په عراق کې د مقتدا الصدر مرستیال ووژل شو

د نامتو شیعه مشر مقتدا الصدر پوځي مرستیال ووژل شو

په عراق کې د مقتدا الصدر مرستیال ووژل شو

په عراق کې  د نامتو شیعه مشر  مقتدا الصدر  د نظامي چارو مرستیال  په وسله وال برید کې ووژل شو.

د عراق نه د ترلاسه شوي رپوټ له مخې  په پوځي چارو کې د مقتدا الصدر مرستیال او سولې د غنډونو  د ملیشه ځواکونو قومندان  شوقي حداد د نجف ښار اړوند کوفه په سیمه کې  په خپل کورکې  د نامعلومو وسله والو کسانو په برید کې وژل شوی دی.

ویل کیږي دا پیښه  پرون رامنځته شوې ده .

د عراق پولیسو د پیښې په اړه تحقیقات پیل کړي دي خو مقتدا الصدر د پيښې په اړه تر اوسه پورې څه ندي ویلي.

د یادولو وړ ده چې  د مقتدا الصدر په مشرۍ  ایتلاف  د عراق په تیرو پارلماني ټاکنو کې تر ټولو  د ډیرو رایو په ترلاسه کولو سره  په ولسي جرګه کې  ډیرې زیاتې څوکۍ  ترلاسه کړې.

ویل کیږي  د مقتدا الصدر د مرستیال د وژلو مسئولیت تر اوسه پورې کومې ډلې یا چا په غاړه ندی اخیستی.



اړوند خبرونه