امریکا پر ایران سختې نیوکې وکړې

ټرمپ  د ایران د انقلاب د ۴۰ مې کلیزې  له امله  پيغام  خپور کړ. ټرمپ  پدې پيغام کې د ایران خلکو ته  د انقلاب د ۴۰ مې کلیزې له امله مبارکي ورکړې او ویلي دي چې

« د ایران حکومت  پدې ۴۰ کلونو کې  پرته  د فساد، بډو، فشارونو  او ترهګرۍ  بل څه ندي کړي. د ایران رژیم  پدې ۴۰ کلونو کې  د ناکامیو نه پرته  د ایران خلکو ته  بل څه ندي ورکړي. »

د بله پلوه  د سپینې ماڼۍ  د ملي امنیت سلاکار جان بولتن هم  د سپینې د ماڼۍ د ټویټر د حساب له لارې په خپور کړي ویدیويي پیغام کې  د ایران رژیم ګواښلی دی.

بولتن پدې پيغام کې ددې خبرې په ټینګار ویلي دي چې د ایران رژیم  د خپلو وګړو او سیمې د خلکو لپاره د ترهګرۍ پرته  بل څه  ندي تولید کړي . هغه ادعا کړې ده چې ایران د مځکې په سر  په هره برخه کې د انسانانو  د ډارولو  په خاطر  اوس هم  د اټومي وسلو د تولید په لټه کې دی.

بولتن  پدې یوه دقیقه يي  ویدیويي پیغام کې ویلي دي چې ایران په سوریه، عراق، یمن او منځني ختیځ کې  د نړۍوالې ترهګرۍ  اصلي  تمویل کوونکی  دی. هغه ویلي دي چې د تهران  دا ډول  اهداف  د منلو وړ ندي.

هغه  د ایران پر رژیم  غږ کړی دی چې د ایران خلک  د جدي ستونزو سره مخامخ دي. د بې کارۍ کچه  د حد سویې ته  رسیدلې، انفلاسیون کچه  تر هر وخت  لوړې سویې ته رسیدلې او د ایران  کرنسي  تر هر وخت  خپل ارزښت  د لاسه ورکړی دی. هغه ویلي ګمان کوم چې ددینه وروسته  به  د انقلاب د کلیزې د لمانځې نور فرصت پیدا نکړۍ.

د ایران  سر سخت  مخالف  بولتن  په هر فرصت کې ایران ته  ګواښونه کوي.

د ویلو ده چې د امریکا  ولسمشر دونالد ټرمپ  واک ته د رسیدو نه وروسته  د ایران او پنځه جمع یو د ډلې ترمنځه لاسلیک شوی  اټومي تړون  نه  امریکا بهر کړه. هغه  پر امریکا  له سره  ډیر قوي بندیزونه  او اقتصادي تحریمونه وضع کړل. ایران نن ورځ د سختو اقتصادي  ستونزو سره  لاس او ګریوان  دی.