د نړۍ په مطبوعاتو کې د ترکیې انعکاس

د نړۍ په مطبوعاتو کې د ترکیې انعکاس

د نړۍ په مطبوعاتو کې د ترکیې انعکاس

 

د سربستان د بلیک ورځپاڼې « د ترکیې ولسمشر اردوغان د پاریس نه لیدنه وکړه » د سرلیک لاندې لیکلي دي، د ترکیې ولسمشر رجب طیب اردوغان د فرانسې نه د لیدنې پر مهال وویل چې ترکیه  د اروپايي ټولنې د غړیتوب  انتظار  نوره  ستومانه کړې ده.

د جرمني د ډي پي ای خبري اژانس  بیا ویلي دي چې  د جرمني د بهرنیو چارو وزیر سیګمار ګابریل  وویل چې  د ترکیې سره  د ستراتیژیک ډیالوګ بهیر باید له سر پیل کړو.

په امریکا کې د ترکش امریکن  ویبپاڼې  په امریکا کې میشت د فتح الله ګولن ترهګریز سازمان  مشر په اړه خبر ته ځای ورکړی دی. یادې شوې ویبپاڼې  ویلي دي چې  امریکا  په ښکاره توګه په پنسلوانیا کې میشت  د فتح الله ګولن ترهګریز سازمان او موازي جوړښت د مشر فتح الله ګولن نه  ښکاره ملاتړ کوي. ددې ترهګر تر شا  امریکا  قرار لري.

د جرمني د دویچه ویلې  ویبپاڼې  بیا  د ترکیې او جرمني د بهرنیو چارو د وزیرانو لیدنې په اړه خبر ته  ځای ورکړی دی. دویچه ویلي ویلي دي چې  تیره اوونۍ د ترکیې او جرمني د بهرنیو چارو وزیرانو  په ډیره صمیمانه فضا کې لیدنه وکړه. دواړو ډیر مثبت  پیغامونه ورکړل. دواړو ددې خبرې په ټینګار وویل چې د متقابل ډیالوګ او صمیمي چلند او همکاریو سره  کولی شو چې د دواړوهیوادونو ترمنځه موجودې اړیکې  لا قوي کړو.

د روسیې د ریا نویستې خبري اژانس  بیا لیکلي دي چې ترکیې د اروپايي ټولنې په څلورو غړیو هیوادونو کې  د اسلام فوبیا په اړه تحقیقات پیل کړي دي.

د جرمني د جونګي ویلټ  ورځپاڼې  د ترکیې او جرمني ترمنځه  په اړیکو کې وروستیو مثبتو  پرمختګونو ته اشاره کړې ده. یادې شوې ورځپاڼې لیکلي دي چې د دواړو هیوادونو د بهرنیو چارو وزیران  د اړیکو د لا قوي کولو په اړه  په نه ستړي کیدونکي ډول کار کوي.

د ترکش امریکن ویبپاڼې  د ترکي میلیونرانو  په اړه یو خبر خپور کړی دی. یادې شوې ویبپاڼې  لیکلي دي چې په ترکیه کې د میلیونرانو شمیره  ۱۲۷ زرو تنو ته  رسیدلې ده.

د قطر د الجزیزې تلویزیون  په سوریه کې  د ترکیې د وسله والو ځواکونو د عسکري عملیاتو په اړه د ولسمشر رجب طیب اردوغان څرګندونو ته ځای ورکړی دی.

الجزیزې د ولسمشر اردوغان له قوله لیکلي دي چې د فرات ډال  نظامي عملیات به  د سوریې  عفرین او منبیج سیمو ته هم  وغځول شي.

د روسیې د تاس خبري اژانس بیا په امریکا کې نیول شوي د ترکیې د خلق د بانک د مرستیال د محاکمې په اړه د ترکیې د ولسمشر رجب طیب اردوغان څرګندونو ته ځای ورکړی دی.

ولسمشر اردوغان ویلي دي چې دا محاکمه په اصل کې د امریکا لخوا د ترکیې پر خلاف ترسره شوې سیاسي کودتا ده.

د امریکا د ترکشني  ویبپاڼې  بیا  د ترکیې د ملکي هوايي چلند شرکت  ترکش ایرلاین په اړه د ولسمشر اردوغان څرګندونو ته ځای ورکړی دی. یادې شوې ویبپاڼې لیکلي دي چې ترکش ایرلایین  ۲۵ نوې الوتکې راونیولې. پدې اړه  فرانسې ته  د ولسمشر اردوغان د سفر په چوکاټ کې قرارداد لاسلیک شو. ولسمشر اردوغان وویل چې  انشاالله ترکش ایرلایین به په نړۍ کې تر ټولو په لوی هوايي شرکت  بدل کړو.

د کریمیا خبري اژانس  کیو ایچ ای په سوریه کې د اسد د رژیم  لخوا د قتل عامونو په اړه د ترکیې د بهرنیو چارو وزیر مولود چاوش اوغلو څرګندونو ته ځای ورکړی دی.

یاد شوي خبري اژانس د ترکیې د بهرنیو چارو وزیر له قوله لیکلي دي چې د سوریې رژیم  د النصره جبهې پر خلاف  د مبارزې په بهانه  په منځلارو  مخالفو ډلو  هوايي بریدونه کوي  چې دا مسله  په نوموړي هیواد کې  د روانې ستونزې د حل په خاطر  روانو سیاسي  مذاکراتو  ته  سخت زیان رسوي.

د چین سیاحتي  ویبپاڼې  ویلي دي ترکیه  د چیني ګرځندویانو  د جلب او جذب هڅه کوي. ترکیه په پام کې لري  چې  په هیواد کې د چینیايی ګرځندویانو شمیره په کال کې یو میلیون تنو ته ورسوي.

د انګلستان د رویټرز خبري اژانس  په سوریه کې په ملکي سیمو د روانو بریدونو په اړه د ترکیې غبرګون ته ځای ورکړی دی.

په خبر کې راغلي دي چې ترکیې  په سوریه کې په ملکي وګړو د روانو بریدونو د مخنیوي او سخت غبرګون څرګندونو په خاطر  په انقره کې د روسیې او ایران سفیران د بهرنیو چارو وزارت ته راوغوښتل.

د روسیې د اسپوتنیک خبري اژانس  بیا  ویلي دي چې نړۍوال بانک  په ۲۰۱۷ کال کې د ترکیې د اقتصادي ودې پر اړه خپل تخمین  ۶ عشاریه ۷سلنې ته  لوړ کړ. نړۍوال بانک ویلي دي اټکل کوي چې ترکیه په ۲۰۱۸ کال کې  ۳ عشاریه ۵ سلنه اقتصادي وده ولري.

د ایران د مهر خبري اژانس  ویلي دي چې ترکیې د ایران او روسیې نه  د اسد رژیم لخوا په ملکي وګړو د هوايي بریدونو د درولو غوښتنه وکړه.

د چین د وانګي  خبري اژانس  ویلي دي چې د ترکیې ملکي هوايي چلند شرکت  د ۲۵ نوو الوتکو د رانیولو فرمایش  ورکړ.

د رویټرز خبري اژانس بیا لیکلي دي چې ترکیې  د تیرې چارشنبې په ورځ په انقره کې د امریکا  شاژدافیر په سوریه کې په وروستیو پرمختګونو د خبرو کولو په خاطر د بهرنیو چارو وزارت ته راوغوښت.

د ګرجستان  د انټرپرس نیوز ورځپاڼې لیکلي دي چې ترکیې د پولې د تیریدو  په قواعدو کې ځینې تغیرات رامنځته کړي دي.

د اسوشیتید پرس  خبري اژانس  د اروپايي ټولنې د دوره يي  مشر هیواد بلغاریا د لومړي وزیر بویکو بوروسیف  له قوله لیکلي دي چې اروپايي ټولنه مجبوره ده چې د ترکیې سره  ښې اړیکې ولري .

 



اړوند خبرونه