د تاناپ  یا ترانس انادولو تاریخي  پروژې  رسمآ په فعالیت پیل وکړ.

د ترانس انادولو د ګازو نللیکه رسمآ پرانیستل شوه

د تاناپ  یا ترانس انادولو تاریخي  پروژې  رسمآ په فعالیت پیل وکړ.

د تاناپ  یا ترانس انادولو تاریخي  پروژې  رسمآ په فعالیت پیل وکړ.

د اذربایجان  ګاز د ترکیې له لارې  د اروپا بازارونو ته  انتقالوونکې  د ترانس انادولو د ګازو د نللیکې پروژه  تیر ماښام  د ځانګړو مراسمو په ترڅ کې په رسمي توګه پرانیستل شوه.

د نوموړې پروژې  د پرانیستو په مراسمو کې د ترکیې د ولسمشر رجب طیب اردوغان سربیره د اذربایجان ولسمشر  الهام علیوف، د شمالي قبرس ترک جمهوریت ولسمشر مصطفی اقنجي، د اوکراین ولسمشر پیترو پورشینکو او د سربستان ولسمشر الکساندر وجیج  ګډون کړی وو.

ولسمشر اردوغان  د ترانس انادولو د ګازو د نللیکې د پرانیستو په مراسمو کې وویل چې

« دادی  د انرژۍ د وریښمو لار  د ترانس انادولو  تاریخي  پروژه  رسمآ پرانیزو.

مونږ  انرژۍ ته  د نښتو نه بلکې همکاریو ته د زمینې د برابرولو  په سترګه ګورو. ددې پروژې سره  زمونږ  اتحاد او اتفاق  لا قوي  او ځواکمن شوی دی. تاناپ پروژه  زمونږ  د ګډې مفکورې  ثمره ده. تاناپ  پروژه  د نوو  پروژو  زیری  ورکوي.»

ولسمشر اردوغان وویل چې  د تاناپ د نللیکې نه به  په پيل کې په کال کې  ۱۶ میلیارده متر مکعب ګاز  ترکیې او اروپا ته انتقال شي. د ۱۶ میلیاردو متر معکبو نه به ۶ میلیارده ترکیې ته  او لس میلیارده اروپا ته  انتقال شي.

ولسمشر اردوغان وویل  په پام کې لرو چې د تاناپ  د نللیکې ظرفیت  لوړ کړو. په لنډه موده کې به  ددې نللیکې ظرفیت د ۱۶ میلیاردو نه  ۲۲ میلیاردو متر مکعب ته لوړ شي. همداشان  د طلب په صورت کې  به  دا ظرفیت  ۳۱ میلیاردو متر مکعبو ته لوړ کړو. خو دا کار د نوو  پانګه اچوونو سره د ممکن  دی.

ولسمشر اردوغان وویل چې  د تاناپ  پروژې سره ترکیه  د ترانزیت هیواد نه  په صادرونکي هیواد  بدل شو. یعنې  ترکیه  د تولیدونکي  او مصرونکي  ترمنځه  د پل  موقف  لري. دې پروژې د ترکیې  موقف  لا لوړ کړ.

ولسمشر اردوغان وویل چې د تاناپ  پروژه  یواځې په باامنه توګه  د سیمې ګاز  اروپا ته د انتقال له پلوه نه بلکې  پدې مسیر کې  د پرتو هیوادونو  د رفاح  او استخدام  له پلوه هم  ځانګړی اهمیت لري.

ولسمشر اردوغان وویل چې  انشاالله چې  د ترکیې نه  د اروپا پلولو ته به  په ډیر کمتریت  فرصت کې  د ګازو نللیکه  ورسو. د یو کال په دننه کې به دا چارې سرته ورسیږي. د ۲۰۱۹ کال  د جون په میاشت کې به د یونان  سرحد ته  دا نللیکه  وغځیږي.

ولسمشر اردوغان وویل چې د تاناپ  د ګازو د نللکې  اوږدوالی  ۱۸۵۰ کیلیومتره دی.

دا نللیکه  د ترکیې د ارداخان  ولایت نه  تر ایدرنې پورې  د شلو نه  تر ۶۷ پورې د ولسوالیو نه تیریږي.

د ترانس انادولو  د ګازو نللیکه  ۸۰ سلنه په ترکیه کې تولید شوې ده . ددې پروژې سره په ترکیه کې ۱۳ زرو تنو ته  د کار زمینه برابره شوې ده .

دا پروژه به د ترکېې سربیره د اروپا اړتیاوې هم  پوره کړي.



اړوند خبرونه