Dönya matbuğatına küzätü 11.10.2017

Qayber çit il basmalarına küzätü

Dönya matbuğatına küzätü 11.10.2017

Amerika Quşma Ştatlarınıň  “Associated Press" (AP)agentlığı “Ärdoğan saq astına alınğan Amerika konsullığı xezmätkäreneň agent buluın belderde” isemle yazmasında  Törkiyä ilbaşı Räcäp Tayyip Ärdoğannıň Törkiyä räsmi zatları saq astına alğan Amerika Quşma Ştatları baş konsullığı xezmätkären agent dip bäyäläwen häm Törkiyäneň mondıy “êçke yanaw”ğa qarata tiyeşle adımnar yasaw xoquqına iyä buluı turında äytüen citkerä.

Serbiya başqalası Belgradta ütkärelgän matbuğat oçraşuında Ärdoğan ”Bu agentlar AQŞ baş konsullığına niçek ütep kerdelär,yäisä alarnı anda kem urnaştırdı?” dip soradı.

Rusiya Federaŝiyäseneň “RİA NOVOSTİ” xäbär agentlığı “Törkiyä prem’yer-ministrı İdlibtä utnı tuqtatunı  kontrol’ itüçe punktlar buldıru turında äytte” digän xäbärendä Törkiyä prem’yer-ministrı Binali Yıldırımnıň Törek Qorallı Köçläreneň İdlibtä utnı tuqtatunı ütäp ütämäwne kontrol’ itüçe küzätü punktları buldıru öçen 8 nçe oktyabr’dän birle küzläw êşçänlekläre alıp baruı turında äytüen belderä.

Xäbärdän kürengänçä, Binali Yıldırım şulay uq Änkara belän Vaşington arasındağı diplomatik krizistan soň  Törkiyä watandaşlarına viza birüneň tuňdırıluın iğ’lan itkän Amerika Quşma Ştatlarınıň bu xäräkäteneň ike il arasındağı strategik partnyerlıqqa turı kilmäweın assızıqladı.

İrannıň “FARSNEWS” agentlığı “Törkiyä tışqı êşlär ministrlığı AQŞnıň dorfa ilçeseneň küreşü taläben kire qaqtı” isemle xäbärendä Törkiyä ğadälät ministrı Abdülhamit Gülneň Törkiyä xaqında tupas belderülär yasağan Amerika Quşma Ştatlarınıň Änkaradağı tulı wäqalätle ilçese Djon Bassnıň küreşü täq’dimen qabul itmäwe häm Törkiyäneň mondıy totışınıň AQŞqa şok kebek täêsir itüen turında yaza.

Germaniyanıň “DEUTSCHE WELLE” agentlığı “IMF Törkiyäneň üseş farazın üzgärtte” isemle xäbärendä Xalıqara valyuta fondı IMFneň Törkiyäneň milli tulayım tabış üseşe farazın bıyıl öçen 5,1%,2018 nçe yıl öçen 3,5%qa kütärüen xäbär itä.

 

 



Bäyläneşle xäbärlär