Dön'ya matbuğatına küzätü 08.11.2017

Qayber çit il basmalarına küzätü

Dön'ya matbuğatına küzätü 08.11.2017

AQŞ “Turkish Amerikan” web säxifäse:”Prem'yer-ministr: AQŞqa ışanıç birü xoquq däwläte nigezlärenä turı kilmi”

Premyer-ministr Binali Yıldırım Amerika Quşma Ştatları başqalası Waşingtonğa kitär aldınnan Änkara Äsänboğa hawa mäydanında oyıştırğan matbuğat oçraşuında Amerika Quşma Ştatları belän viza möräcäğätläreneñ çiklängän külämdä alına başlanuı belän bäyle bularaq: "Amerika Quşma Ştatlarına ışanıç birü yäisä alarnıñ bezgä ışanıç birüen soraw kebek ber söyläşü xoquq däwläte nigezlärenä turı kilmäs", - dip äytte.

 

Üzäge Franśiyada urnaşqan xalıqara xäbär kanalı “Euronews”: ““Ataka”, “Anka” häm Xörqoş” Tailandta täqdir itelä”

Törek aviaśiya häm ğaläm sänäğäte akśionerlıq cämğiyäte (TUSAŞ/TAI) êşläp çığarğan hawa platformaları belän Kön’yaq-könçığış Aziya illäre berlegeneñ (ASEAN) täêmin itüçeläre arasına kerä aldı. TAI Tailand saqlanu häm iminlek yärminkäsendä qatnaşuçı il wäkilläre häm täêmin itüçe organnar belän tığız söyläşülär alıp bara. Tailandqa qarata “Ataka” boralağına qağılışlı täq’dim êşçänlege başqarıldı. Şirkät wäkillege, aldıbızdağı könnärdä Tailandqa barıp, bu mäs’älädäge êşçänlekne alıp baraçaq.

Malayziya isä “Anka” belän qızıqsına. TAI bu mäs’älädäge täq’dimen Malayziya räsmilärenä citkerep, yasalaçaq bäyäläwneñ näticäse kötelä. ASEAN illärennän tış Kön’yaq Aziya ile Bangladeş isä “Anka”, qorallı häm qoralsız “Xörqoş”, “Ataka” boralağına iğ’tibar kürsätä. TAI, Farsı qultığı illärenä qarata möhim adım yasap, 12nçe-16nçı noyabr’dä “Dubai Airshow”da qatnaşaçaq.”

 

AQŞ, CNN xalıqara xäbär kanalı: “Down sindromlı Möxämmäd Awrupada iñ yuğarı noqtada”

Törkiyäneñ Dänizli qalasınnan bulğan down sindromlı sportçı Möxämmäd Tuğrul Şahin Franśiya başqalası Parijda ütkärelgän DSISO Awrupa yözü açıq çempionatında 200 metr kübäläk stilendä 4 minut 41 sekunda belän Awrupa rekordın uzdırıp berençe buldı. Moñarçı da yözüdä şaqtıy xalıqara uñışqa iyä bulğan Möxämmäd Tuğrul medal’lärenä Awrupa rekordın östäw uñışın da kürsätte.

 

AQŞ, CNN xalıqara xäbär kanalı: “Törkiyädä ike zur şaxmat turnirı uzaçaq”

Törkiyä şaxmatta nıq adımnar belän alğa taba bara, küzätelgän häm saylap alınğan ilgä äylänä. Dön’ya şaxmatına yünäleş birüçe avtoritetlarnıñ ışanıçın yawlağan Törkiyä monnan arı şaxmat sportında barı tik sportqa qağılışlı uñışları belän genä tügel, oyıştıru çaralarınıñ uñışı belän dä üzen kürsätä başladı. Üktäbr’ ayında Antaliyada oyıştırılğan Awrupa klublar kuboğın oyıştıru uñışına qarata avtoritetlar maqtaw süzlären äytkän ide. 2019 Awrupa xatın-qızlar arasında şaxmat çempionatı belän 2020 Awrupa yäş’ törkemnäre şaxmat çempionatı öy xucası Törkiyädä uzaçaq.



Bäyläneşle xäbärlär