Dön’ya matbuğatına küzätü 06.12.2017

Qayber çit il basmalarına küzätü

Dön’ya matbuğatına küzätü 06.12.2017

Angliyäneñ “REUTERS” xäbär agentlığı “Ärdoğan Yerusalim säbäbe belän Törkiyäneñ İzrail’ belän mönäsäbätlärne özä aluın belderde” isemle xäbärendä Törkiyä ilbaşı Räcäp Tayyip Ärdoğannıñ  Amerika Quşma Ştatları Yerusalimnı räsmi räweştä  İzrail’neñ başqalası itep tanığan oçraqta Törkiyäneñ İzrail belän mönäsäbätlärne özügä qadär barıp citä alaçağı turında äytüen citkerä.

 Xäbärdä tübändäge yullar urın ala:” Xörmätle Tramp, Fälästin cämğiyäteneñ yaraları äle haman da tözälmägän häm mondıy  waqıtta İzrailgä yaqlaw kürsätü räweşendä qarar qabul itü xalıqara xoquqnı boza. AQŞnı töbäktäge problemalarnı tağın da tiränäytäçäk mondıy adım yasamawı kiräklegen kisätäm”.

İrannıñ “MEHR” xäbär agentlığı “Qalın AQŞnıñ tulı wäqalätle ilçelegen Yerusalimğa küçerüeneñ borçuğa saluın belderde” isemle yazmasında Törkiyä ilbaşı süzçese İbrahim Qalınnıñ Amerika Quşma Ştatlarınıñ tulı wäqalätle ilçelegen Yerusalimğa küçerü ixtimalınıñ borçu tudıruın belderüe turında yaza.

 Xäbärdä Qalınnıñ tübändäge süzläre dä urın ala:” Bu qarar Yerusalimnıñ dini häm tarixi üzençälegenä ,xalıqara kileşülärgä häm Berläşkän Millätlär Oyışması qararlarına qarşı xäräkät. İlçelekne küçerü Yaqın Könçığışta yaña kiyerenkeleklär häm bäreleşlärgä nigez äzerlär. AQşnıñ mondıy xata yasamawına ömetlänäbez”.

”Rusiya awazı” radiosı “Çavuşoğlu NATO tışqı êşlär ministrları cıyılışında qatnaşu öçen Bryussel’dä” isemle xäbärendä Törkiyä tışqı êşlär ministrı Mävlüt Çavuşoğlunıñ NATO tışqı êşlär ministrları cıyılışında qatnaşu öçen Bel’giya başqalası Bryussel’gä kitüen citkerä.

 Xäbärdän kürengänçä,Çavuşoğlu AQŞ däwlät särqätibe Reks Tillerson belän küreşep söyläşäçäk. Oçraşuda Amerika Quşma Ştatları ilbaşı Donal’d Trampnıñ “PKK” separatist terror oyışmasınıñ Süriyädäge törkeme “YPG”gä qoral birmäw yöklämäse ,Pentagonnın isä “YPG”gä qoral birü barışı qaralaçaq. Çavuşoğlu şulay uq Greśiya tışqı êşlär ministrı Nikos Kocias belän dä küreşep söyläşäçäk.

Amerika Quşma Ştatlarınıñ “Amerika awazı” radiosı internet säxifäsendä urın alğan “Vaşingtonda Törkiyä konferenśiyäse “isemle xäbärdän kürengänçä, AQŞ başqalasında “Middle East Institute” isemle töşençä oyışmasınıñ 8 nçe yıllıq Törkiyä konferenśiyäse uzdı.  AQŞ däwlät departamentınıñ Awrupa häm Awraziya êşlärennän cawaplı kiñäşçe urınbasarı Djonatan Koên konferenśiyäneñ “Rusiya häm Könbatış arasında Törkiyä“ isemle panelendä Törkiyä –Amerika mönäsäbätläreneñ härwaqıt tirän strukturağa iyä buluın ,ike yaqlı dialog häm diplomatiyäne däwam itterüneñ ähämiyätenä basım yasadı.

 Koên Törkiyänen NATOdağı ikençe iñ zur armiyägä iyä il buluın belderde. Süriyäle sıyınuçılarnı qabul itüe belän Törkiyä xökümäte häm xalqınıñ maqtawğa layıq buluın da assızıqladı.

 

 

 



Bäyläneşle xäbärlär