Dönya matbuğatına küzätü 09.11.2018

Qayber çit il basmalarına küzätü

Dönya matbuğatına küzätü 09.11.2018

Angliyaneň Reuters xäbär agentlığı Törkiyä ilbaşı Ärdoğannıň Törkiyäneň häm Tön’yaq Kipr Törek Cömhüriyäteneň Könçığış Urta diňgezdäge xaqların yaqlayaçaqların, Greŝiya häm Kipr Grek töbägeneň ber yaqlı adımnarına röxsät birmäyäçäklären äytüen citkerä.

Germaniyadä çığuçı “Welt Am Sonntag” gazetı Törkiyäneň iqtisad ölkäsendä zur uňışlarğa ireşüen yaza. Dönya bankınıň bu atnada açıqlanğan Êş başqaru qulaylığı xisabında da Törkiyä üskän il bularaq qotlana.

AQŞnıň Associated Press xäbär agentlığı Törkiyä tışqı êşlär ministrı Mäwlüt Çavuşoğlunıň Amerika Quşma Ştatlarınıň İranğa qarata çikläwläreneň mantiqsız häm qurqınıç buluın belderüen citkerä.

İrandağı İRNA xäbär agentlığı Törkiyäneň Vaşingtonnıň separatist PKK terror oyışması häm bu törkemneň Ğiraq häm Süriyädäge törkemnäre belän tağın da kübräk tögäl kereşü başqaruların kötülären citkerä.

AQŞnıň Associated Press xäbär agentlığı Amerikanıň PKKnıň öç liderı yäşerengän urınnı äytüçelärgä aqçalata büläk qararı belän bäyle bularaq Törkiyäneň Saqlanu ministrı Hulusi Akarnıň açıqlaw yasawın xäbär itä. Akar: “Şul uq totışnı PKKdan ayırması bulmağan YPG öçen dä kötäbez,” – dide.

Germaniyadäge Deutsche Welle media oyışması Törkiyä İlbaşı idaräse süzçese İbrahim Qalınnıň AQŞnıň PKKnıň güya yuğarı däräcäle öç citäkçeseneň urının äytäçäk yäisä mäğlümat biräçäk keşelärgä aqçalata büläk biräçägen citkerüen soňğa qalınğan qarar bularaq bäyäläwen citkerde.

Qıtayda çığuçı Renmin Ribao gazetı matur tarixi urınnar, mädäni miras, iskitkeç manzarasınıň İstanbulnıň turistlarnı cälep itüe öçen sixerle açqıç buluın yaza. Xäbärgä kürä İstanbul 2017 yılda 11 million keşene qunaq itte. Bu yılnıň 8 ayında şähärgä 250 meň tiräse Qıtay turistı kilde.



Bäyläneşle xäbärlär