Xälebkä hawadan höcüm

Bazarğa oyıştırılğan hawadan höcümdӓ 57 keşeneň ğomere özelgӓn

Xälebkä hawadan höcüm

Süriyӓdӓ Xӓlebneň könbatışındağı Etaribta bazarda oyıştırılğan hawadan höcümdӓ 57 keşeneň ğomere özelgӓn.

Xӓlebtӓge cirle çığanaqlardan alınğan mӓğlümatqa kürӓ şӓhӓrneň könbatış cirlegendӓ oppoziŝiya kontrolendӓge Etaribta bazarğa 3 hawadan höcüm oyıştırılğan.

Grajdan saqlanu êlemtӓ cawaplılarınnan Xalit Ӓl-Xatip “İdlib kiyerenkelegen azaytu töbӓklӓre” arasında bulğan ilçӓdӓge höcümdӓ kim digӓndӓ 57 keşeneň yaqtı dönyadan kitüen, 60tan artıq keşeneň yaralanuın beldergӓn.

Xatip: “60tan artıq yaralanuçını xastaxanӓgӓ saldıq, ülüçelӓr sanınıň artuınnan borçu toyabız,” – digӓn.

Xӓlebneň könbatış cirlege Astana kileşüe qısalarında garant illӓr Törkiyӓ, Rusiyӓ hӓm İran tarafınnan barlıqqa kiterelgӓn “İdlib kiyerenkelegen azaytu töbӓge”ndӓ urın ala.

Şul arada Amerika Quşma Ştatları Saqlanu ministrlığı süzçelӓrennӓn Êrik Pahon: “Höcümne kemneň oyıştıruın belmibez. Bu mӓs’ӓlӓdӓ mӓğlümat yuq. Şul rӓweşle Rusiyӓ yӓisӓ rejimğa işarӓt itmӓyӓçӓkbez,” – digӓn.



Bäyläneşle xäbärlär