“Tramp qararına borçılabız”

Bu turıda Rusiyӓ tışqı êşlӓr ministrlığı yazulı açıqlawında citkerelä

“Tramp qararına borçılabız”

Kreml’ süzçese Dmitriy Peskov Amerika Quşma Ştatları dӓwlӓt başlığı Donal’d Trampnıň Yerusalimne İzrail başqalası itep iğlan itü qararınıň töbӓktӓge wazğiyӓt’ne tağın da awırlaştıruın ӓytkӓn.

Rusiyӓ tışqı êşlӓr ministrlığınnan yasalğan yazulı açıqlawda da İzrail-Fӓlӓstin barışında BMO tarafınnan raslanğan prinŝiplarğa bӓyle qalunıň dӓwam itaçӓge belderelgӓn.

Açıqlawda Tramp qararınıň İzrail-Fӓlӓstin kileşmӓwçӓnlegen tağın da tirӓnӓytӓ alacağına basım yasalıp, qarardan borçunıň toyıluı citkerelgӓn.

Rusiyӓneň tışqı êşlӓr ministr urınbasarı Gennadiy Gatilov ta yasağan açıqlawında AQŞ tarafınnan qabul itelgӓn qararğa quşılmawlarına işarӓt itep: “BMO İminlek şurasında uzaçaq utırışta AQŞ qararın tӓnqitlӓyӓçӓkbez,” – digӓn.

Rusiyӓneň Möftilӓr şurasınnan yasalğan yazulı açıqlawda AQŞ qararı ğayeplӓngӓn.



Bäyläneşle xäbärlär