Protest çaralarında 33 yaralanuçı

Yerusalimne İzrail başqalası bularaq tanuına reakśiya belderülӓr dӓwam itӓ

Protest çaralarında 33 yaralanuçı

İzrail ğaskӓrilӓreneñ Yordannıñ könbatış üzӓnlege hӓm Yerusalimdağı protest çaralarında çın pulya qullanıp qatışuında 33 fӓlӓstinle yaralanğan.

AQŞ ilbaşı Tramp 6 dekabr’ könne provokaśiya yasap, Yerusalimne İzrail başqalası bularaq tanuına reakśiya belderülӓr dӓwam itӓ.

Yordannıñ könbatış üzӓnlege hӓm Yerudalimda qararğa qarşı çıqqan fӓlӓstinlelӓrgӓ qarata İzrail ğaskӓrilӓre yӓnӓ çın pulya qullanıp, qatışqan.

Waqiğalarda 5 fӓlӓstinle çın, 28e dӓ plastmass pulya belӓn yaralanğan, 114e isӓ ırğıtılğan gazlardan tӓêsirlӓnep, buılu qurqınıçın kiçergӓn.

Yordannıñ könbatış üzӓnlege, Ğazzӓ hӓm Yerusalimda oyıştırılğan protestlarda bügengӓ qadӓr 4 fӓlӓstinle yaqtı dönyadan kitkӓn, meñnӓn artıq keşe dӓ yaralanğan.

Protest çaraları dӓwam itkӓndӓ Marokko başqalası Rabatta çirattantış cıyılğan Ğarӓp Parlament şuraları başlıqları Trampnıñ qararın yaraqsız hӓm qanunsız buluın belderep, AQŞnı tınıçlıqnı xuplaw rolennӓn çigelergӓ çaqırğan.



Bäyläneşle xäbärlär