Soğud Ğaräbstanınnan aqçalata yärdäm

Yärdäm Yerusalimdağı İslami mirasnıñ saqlanıluı öçen kürsätelde

Soğud Ğaräbstanınnan aqçalata yärdäm

Soğud Ğaräbstanı patşası Sälman bin Abdülaziz Könçığış Yerusalimdağı İslami mirasnıñ saqlanıluı öçen 150 million dollarlıq aqçalata yärdäm kürsätte.

Patşa Sälman Zahran şähärendäge Ğaräp Ligası oçraşuınıñ açılışında yasağan çığışında: “Soğud Ğaräbstanı Qudüs-Yerusalimneñ İslami milegen saqlaw öçen 150 million dollarlık yärdäm kürsätte,” – dide.

Aqçalata yärdäm oçraşuda AQŞ ilbaşı Donal’d Trampnıñ 6 dekabr’ könne Yerusalimne ber yaqlı bularaq İzrail başqaşası itep tanuı häm ilçelekne Tel Avivdan izge şähärgä küçerü qararınıñ qabat tänqitlänüennän soñ citkerelde.

Xalıqara cämäğat’çelek reakśiya beldergän Tramp citäkçelege töbäktä xaos tudıraçağı häm İzrail-ğaräp bäxäseneñ tağın da çişelmäslek xälgä kiläçäge iskärtülärenä bitaraf qalğan ide.

Älege kereşügä qarşı iñ qırıs reakśiya kürsätkän illärdän berse Törkiyä bulğan ide.

Törkiyä ilbaşı Ärdoğan Yerusalimneñ möselmannarnıñ qızıl töstäge çige buluına basım yasağan ide.



Bäyläneşle xäbärlär