Uzğan yıl 31 million keşe üz ilendä qaçaq buldı

Xalıqara afätlär belän idarä itü kongressı direktorı Aleksandra Bilak ber yıl êçendä bu qadär keşeneñ yäşägän ciren taşlap qaçırğa mäcbür buluınıñ uylandıruçı ikänen assızıqlıy

Uzğan yıl 31 million keşe üz ilendä qaçaq buldı

Uzğan yıl 31 million keşe üz ilendä qaçaq xälenä töşte. Bu xaqta  Xalıqara afätlär belän idarä itü kongressı direktorı Aleksandra Bilak belderde. Ul ber yıl êçendä bu qadär keşeneñ yäşägän ciren taşlap qaçırğa mäcbür buluınıñ uylandıruçı ikänen assızıqlıy: suğış häm basım yasawçı rejimlar belän tağın da qararlı räweştä köräşergä kiräk.  

Afätlär belän idarä itü kongressınıñ 2017nçe yılğı xisabına qarağanda, tabiğıy bala-qazalar yaqınça 19 million keşene cirennän kitärgä êtärgän. Dähşät häm bäreleşlär yözennän yortların taşlap başqa urınnarğa küçenüçelär sanı – 11 million 800 meñ. Xisapta bu sannıñ ber yıl êlekkegese belän çağıştırğanda ike tapqır artuı belderelä.

Demokratik Kongo cömhüriyäte şikelle Saxara östendäge Afrika däwlätlärendä 5,5 million, başında Süriyä kilüçe ğaräp illärendä 4,5 million keşe il êçendä küçenergä mäcbür bulğan.

İlendäge terrorçılıq, basım häm qorallı bäreleşlärdän qaçqan 40 million keşeneñ ber öleşe yıllardır kire öyenä qayta almağan.

Norvegiya moxacir êşläre şurası başlığı Yan Êgelann beldergänçä, yaqlawğa moxtaclar öçen däwamlı çara tabarğa kiräk. Çönki gumanitar yärdäm belän genä tormışın däwam itä aluçılarnıñ yärdämgä bäylelege ozaydı.

Dawıl, su basu, yanğın häm qorılıq şikelle tabiğıy bala-qazalar 135 ildä massaküläm qaçularğa säbäpçe bulğan. Xisapta äytelgänçä, andıylarnıñ sanı Qıtayda 4,5 million, Filippinnarda - 2,5 million, Kuba häm AQŞta isä, 1,7 million keşe.  



Bäyläneşle xäbärlär