Musson yañğırları arakanlı möselmannarnıñ tormışına yanıy

Koks Bazar şikelle yar buyı rayonnarında tizlege säğatenä 200-250 kilometrğa citüçe köçle cillär çığa, su basular meñnärçä keşegä yoğıntı yasıy

Musson yañğırları arakanlı möselmannarnıñ tormışına yanıy

M’yanmada 1970nçe yıllardan birle baruçı däwamlı basımnar häm dähşättän qaçıp Bangladeşnıñ Koks Bazar töbägenä kilep urnaşqan arakanlı möselmannarnıñ sanı 1 millionnan arttı. Migrantlar andağı lager’larda gigiyena şartlarsız, yärdämgä moxtac räweştä bik awır tormışta yäşi.  

Bangladeş häm şul tirädäge däwlätlärdä iyün’ ayında başlanıp sentyabr’gä qadär däwam itüçe musson çorınıñ köçle yañğırları häm dawılları arakanlı möselmannar ğomer sörüçe lager’lar öçen citdi qurqınıç tudıra. Koks Bazar şikelle yar buyı rayonnarında tizlege säğatenä 200-250 kilometrğa citüçe köçle cillär çığa, su basular meñnärçä keşegä yoğıntı yasıy. Töbäktä 1970nçe yılda bulğan Bxola śiklonında kimendä 300 meñ keşe, 2007däge Sidr ğarasatında da 10 meñ tiräse keşeneñ ğomere özelde.  

BMO qaçaqlar êşe buyınça yuğarı komissarlığı süzçese Andrey Maxeçiç kiçä Jeneva ofisındağı matbuğat kiñäşmäsendä Koks Bazardağı lager’larda atna axırında çıqqan köçle cil häm yañğırlarnıñ 11 meñ keşegä zarar birüen häm ber sabıynıñ ülemenä kiterüen söyläde.  Arakanlı möselmannarnıñ bambuk yäisä plastiktan yasalğan törtsäñ cimerelergä toruçı sıyınu urınnarı musson yañğırları, köçle cillär häm su basulardan saqlamıy. Östäwenä bu çorda lager’lar urnaşqan urınnarda cir ubıluı mömkin. Näticädä 200 meñnän artıq keşe tübäsez qalaçaq.

Gigiyena şartları bulmağan lager’larda musson waqıtında vaba, bizgäk häm difteriya şikelle kizü çirläreneñ öskä qalquı borçu tudıra. Çönki keçkenä ber mäydanda tığız räweştä yäşäwçe keşelär arasında xastalıqnıñ taraluı bik tiz. Qısqa waqıt êçendä yözlärçä keşe ülergä mömkin.

Töbäktä êşläwçe ictimağıy oyışmalar kizü çirlärgä qarşı vakśinalaştıru ütkärsä dä, monıñ citärlek bulmawın sanıylar. Törkiyä älege cirlektäge yärdäm êşläreneñ zur öleşen alıp bara. Oyışmalar musson çorında arakanlı möselmannarnıñ tormışın tağın da imin xälgä kiterü öçen çaralar kürä başladı. Bu qısalarda, Qızılay cämğıyäte, Afät häm ğadättän tış xäl idaräse, Törkiyä Diyanät waqıfı Koks Bazarındağı lager’da “Törek qalqulığı” dip yörtelüçe rayonda bambuk yortlar tözeleşen başladı.  



Bäyläneşle xäbärlär