NATOda ğadättän tış utırış

Amerika Quşma Ştatları ilbaşı Donal’d Tramp, NATO berlektäşläre saqlanu çığımnarı yöklämälären cirenä citkermäsä, ileneñ ittifaq’tan çığaçağın belderde

NATOda ğadättän tış utırış

Amerika Quşma Ştatları ilbaşı Donal’d Tramp, NATO berlektäşläre saqlanu çığımnarı yöklämälären cirenä citkermäsä, ileneñ ittifaq’tan çığaçağın belderde. Räsmi çığanaqlardan alınğan xäbärlärgä qarağanda, NATO däwlätläre liderları bu kisken çığıştan qanäğat’sezlek kiçergän. Şuña kürä, Gruziyä häm Ukraina belän urtaq cıyılışnı tuqtatıp tordılar. NATO ğomum särqatibe Yens Stoltenberg 29 lidernı ğadättän tış utırışqa cıydı.

Cıyılışqa qadär Tramp Twitterdan ber yazma urtaqlaştı. Ul NATO berlektäşläreneñ saqlanuğa çığımnarnı başta 2%qa arttıru yöklämäsen şunda uq ütäw kiräklegen belderde. Bu çikneñ 4%qa kütärü möhimlegen dä östäde.

Tramp soñınnan otıştırğan matbuğat kiñäşmäsendä AQŞnı NATOdan çığaru belän yanamawın söyläde. “AQŞnı NATOdan çığara alam, ämma bu kiräk tügel, çığımnarnı arttırunı qabul ittelär,”-dide ul.    

Tramp fikerençä, xäzer NATO ike kön êlek bulğanınnnan tağın da köçle. Ul oyışmanıñ AQŞqa qarağanda Awrupağa kübräk yärdäm itüen äytte. Ştatlarnıñ ilbaşı söyläwenä qarağanda, NATO liderları aña Rusiyä däwlät başlığı Vladimir Putin belän oçraşuı öçen räxmät äytkän.   

Franśiyä ilbaşı Êmmanuêl’ Makron da Donal’d Trampnıñ bäxäsle süzläre xaqında: “Tramp hiçber waqıt ni miña, ni cıyılıştağılarğa NATOdan çığaçağın äytmäde,”-dide. Ul Brüssel’dä matbuğat kiñäşmäsendä sorawlarğa cawap birep, saqlanu çığımnarınıñ 2%tan tiz arada 4%qa menmäyäçägen, monıñ öçen waqıt kiräk buluın belderde.  Makron äytkänçä, 20245nçe yılğa qadär saqlanu çığımnarın tulayım êçke produktnıñ 2%ına citkerü burıçı quyıla.



Bäyläneşle xäbärlär