Nigeriya awır xäldä

Yortsız qalğan keşelärneň 79%ı - xatın-qız häm balalar

Nigeriya awır xäldä

Nigeriyaneň tön’yaq könçığışında qırıslıq arqasında yortsız qalğan keşelärneň 79%ın xatın-qız häm balalarnıň täşqil’ itüe belderelde.

BMO Qaçaqlar yuğarı komissariatınıň Nigeriya wäkile Hose Antonio başqala Abudjada oyıştırılğan “Öysez qalğan keşelär, ictimaği oyışmalar häm media” isemle konferenŝiyada qatnaştı.

Antonio Boko Haram terror oyışmasınıň ilneň tön’yaq könçığışında oyıştırğan höcümnäre arqasında meňnärçä keşeneň küçenep kitüen belderde.

Hose Antonio 2009 yıldan bügengä qadär yaqınça 2 million keşeneň öylären taşlap kitärgä mäcbür qaluın äytep: “Bu sannıň 79%ı xatın-qız häm balalar. 200 meň keşe kürşe illär Kamerun, Çad häm Nigerğa küçenep kitte,” – dide.

Adamawa, Borno häm Yobe vilayätlärendä qalğan yortsızlarnıň yärdämgä ixtıyac toyuın assızıqlağan Antonio Boko Haram bu vilayätlärdä oyıştırğan höcümnärneň humanitar yärdämneň kerüenä qomaçawlawın citkerde.

Nigeriya wäkile vilayätlärdä citärsez tuqlanu häm çista su ixtıyacınıň qanäğatländerelmäwe arqasında êpidemiyalarnıň könnän-kön artuın belderep: “Soňğı ber ayda 3416 xolera oçrağı küzätelde häm 63 keşeneň ğomere özelde,” – dide.



Bäyläneşle xäbärlär