Gruziya ilbaşınnan täşwik

Ul xezmӓt xaqın yaňa qorılaçaq waqıfqa birӓçӓgen ӓytte

Gruziya ilbaşınnan täşwik

Gruziya dӓwlӓt başlığı Salome Zurabişvili barlıq xezmӓt xaqın yaňa qorılaçaq hӓm İlbaşı idarӓsenӓ bӓyle bulaçaq ber waqıfqa birӓçӓgen ӓytte.

Zurabişvili oyıştırğan matbuğat oçraşuında İlbaşı idarӓsenӓ bӓyle “Zapas fond” waqıfınıň beterelüe, şunıň öçen üz köçe belӓn yaňa waqıfnıň qorılaçağın citkerde.

İlbaşı tübӓndӓgeçӓ belderde: “Sadaqa hӓm yaňa iniŝiativalarnı tӓşwik itӓrgӓ kirӓk, dӓwlӓt başlığı ӓydӓp aruçı bulırğa tiyeş. Üzem hӓm cӓmӓğatçelek wӓkillӓre yӓrdӓmnӓre belӓn waqıf qorırğa buldıq. Berençe itep xezmӓt xaqımnı cibӓrӓm, başqaları da minnӓn ürnӓk alır dip ışanam,” – dide.

Gruziya belӓn Rusiyӓ arasındağı kiyerenke mönӓsӓbӓtlӓrneň cayğa salınuı hӓm diplomatik mönӓsӓbӓtlӓrneň yaňartıluı mӓs’ӓlӓsenӓ tuqtalğan Zurabişvili xӓzerge waqıtta bu mönӓsӓbӓtlӓrne qabat qorunıň mömkin bulmawın citkerde.

Gruziya belӓn Rusiyӓ arasında 2008dӓ çıqqan Kön’yaq Osetiya suğışınnnan soň ike il arasındağı diplomatik mönӓsӓbӓtlӓr özelgӓn ide.



Bäyläneşle xäbärlär