AQŞ Germaniyäne kisätä

“Tön’yaq ağımı 2” gazütkärgeçe proyektında qatnaşuçı nemeś firmalarnı sankśiyälär belän qurqıtalar

AQŞ Germaniyäne kisätä

Amerika Quşma Ştatlarınıñ Berlindağı ilçese Riçard Grenellneñ “Tön’yaq ağımı 2” gazütkärgeçe proyektında qatnaşuçı firmalarnı sankśiyälär belän qurqıtuı belderelde.   

“Bild am Sonntag” gazetında urın alğan xäbärlärgä qarağanda, Grenell Germaniyä firmalarına xat cibärep kisätü yasadı.

Rusiyädän Germaniyägä Baltıyq diñgezennän ütkärgeç yärdämendä gaz cibärüne küzdä totuçı proyektta qatnaşuçı şirkätlär Amerikanıñ sankśiyälär yärdämendä doşmannar belän köräş qanunı qısalarında cäzağa tartılırğa mömkin.

Grenell “Tön’yaq ağım 2” proyektı belän Awrupağa Ukraina aşa tabiğıy gaz cibärü ixtiyacınıñ betäçägenä iğ’tibarnı cälep itä. Näticädä Ukraina Rusiyäneñ höcümçel säyäsätenä qarşı qulındağı soñğı çarasın yuğaltaçaq.

AQŞtan tış, Pol’şa da Germaniyäneñ “Tön’yaq ağım 2” proyektınnan çığuın taläp itä.  



Bäyläneşle xäbärlär