İzrail ministrınnan skandal çaqıru

Gilad Erdan Abbasnı çit il säfärenä çıqqan oçraqta ilenä qabat kertmäskä çaqırdı

İzrail ministrınnan skandal çaqıru

İzrailneň Cämğiyät iminlegen saqlaw ministrı Gilad Erdan skandal çaqıru yasadı.

Ul Fälästin däwlät başlığı Mäxmüt Abbasnı çit il säfärenä çıqqan oçraqta ilenä qabat kertmäskä çaqırdı.

İzrail ministrı “Reşet Bet” radiosına yasağan açıqlawında İzrailneň ütkändä Fälästinneň märxüm liderı Yasir Arafatnı persona non-grata yägni telänmägän keşe itep iğlan itüen xäterlätep, şul uq möğamäläne Abbas öçen dä başqaru zarurlığın belderde.

Erdan Abbasnı tınıçlıq urnaştıru barışına bernindi öleş kertmäwe belän ğayepläp, Fälästin ilbaşınıň İzrailğa zıyan kiterüen däğwa itte.

Ministr İzrail armiyaseneň Ğazzädän kilüçe raketalarğa cawap qaytarunı däwam itteräçägen assızıqlap, “kiň qırlı operaŝiya” variantınıň isä Xamas totışına kürä bilgelänäçägen citkerde.
 



Bäyläneşle xäbärlär