Pol'şada şähär mêrına pıçaq belän höcüm

Räsmi zat yöräge häm qorsaq turısınnan yaralana

Pol'şada şähär mêrına pıçaq belän höcüm

Pol’şanıñ Gdan’sk şähäre mêrı Pavel Adamoviçqa xäyriyä çarası waqıtında säxnädä pıçaq belän höcüm ittelär. Älege xäl Zur Yaña yıl yärdäm orkestrı konśertı waqıtında bula. Mêr säxnädä çığış yasağanda beräw aña kötmägändä pıçaq qadıy. Ul Adamoviçnı yöräk häm qorsaq turısınnan bik küp tapqırlar yaralıy. Mêrnı Gdan’sk mediśina fakul’tetı xastaxanäsenä iltälär. Tabiblar anı şunda uq operaśiyägä ala, 5 säğat’lek tırışlıqlarınnan soñ ğomeren saqlap qalalar. Ämma Pavel Adamoviçnın sälamätlege äle xaman kritik.  

Höcüm itüçene waqıyğadan soñ uq êläkterälär. 27 yäş’lek şöbhäle monnan alda da banktan aqça urlap xökem itelgän bulğan. Ul höcümne säyäsi üç alu maqsatınnan başqaruın söyli. Anıñ aqılğa tulı bulmawı açıqlanğan. Üzeneñ êlegräk cinayät’ êşläp törmägä êlägüe öçen ul Adamoviçnıñ partiyäsen ğayepli.  



Bäyläneşle xäbärlär