AQŞ ğalämdä Qıtay beln Rusiydän şiklänä

Zur däwlätlär aşqınıp qorallanunı ğalämgä alıp menäme?

AQŞ ğalämdä Qıtay beln Rusiydän şiklänä

Rusiyä häm Qıtaynıñ ğalämdäge xärbi êşçänlege AQŞnıñ andağı östenlegenä yanıy. Bu xaqta Amerika Quşma ştatlarınıñ küzläw agentlığı xisabında äytelä. Anda ğalämdäge iminlek torışınnan tış, Rusiyä, Qıtay, İran häm Tön’yaq Koreyanıñ AQŞ iyärçennärenä qarşı ballistik raketa häm kosmos êşçänlekläre iğ’tibarğa alındı.   

“Ayırıp äytkändä, Qıtay häm Rusiyä AQŞnıñ ğalämdäge sistemalarına bulğan ışanıçın qullanu öçen törle texnikalar yasıy,”-diyelä xisapta.  

Älege illärneñ êlektron xärbi sistemalar, lazer qoralları häm iyärçennärgä qarşı balistik raketalar êşläp çığaruı farazlana.  

“Qıtay, möğayen, iyärçennär häm alarnıñ sensorlarına zarar birü, alarnı butaw häm bozu öçen lazer qoralları yasaw belän mäşğul’,”-dip sanıy amerikalılar.

Xisapta Rusiyäneñ dä lazer qoralları yasawı belderelä. AQŞ küzläw oyışması älege yaña näsel qorallarnıñ berniçä yıl êçendä qullanılışqa keräçägen farazlıy.


Etiketlar: ğaläm , Qıtay , AQŞ , Rusiyä

Bäyläneşle xäbärlär