TİKAdan Ğazzӓgӓ toraqlar

Ğazzӓdӓ tözelgӓn 320 toraq fӓlӓstinlelӓrgӓ tapşırıldı

TİKAdan Ğazzӓgӓ toraqlar

Törek xezmӓttӓşlege hӓm koordinaŝiya agentlığı rӓislege TİKA tarafınnan Ğazzӓdӓ tözelgӓn 320 toraq fӓlӓstinlelӓrgӓ tapşırıldı.

Fӓlӓstin Tözeklӓnderü hӓm tözeleş ministrı Mufid ӓl-Hasayine açqıçlarnı tapşıru öçen Ğazzӓdӓ oyıştırılğan tantanada yasağan çığışında TİKA tarafınnan tözelgӓn toraqlarnıň dӓwlӓt başlığı Mӓxmüt Abbasnıň boyırığı belӓn İzrailneň 2014 yılğı höcümnӓrendӓ öylӓren yuğaltuçılar belӓn fӓqir fӓlӓstinle ğailӓlӓrgӓ tapşırıluın ӓytte.

Töbӓktӓge fӓqir’ ğailӓlӓr öçen yaňa toraqlarnıň tözeleşe mӓs’ӓlӓsendӓge telӓklӓren citkergӓn Hasayine: “TİKA belӓn ber rӓttӓn Törkiyӓneň Fӓlӓstin xalqına kürsӓtkӓn yӓrdӓmdӓn bik şat bez,” – dide.

Hasayine çığışınnan soň yözlӓrçӓ fӓlӓstinle ğailӓgӓ toraqlarnıň açqıçın tapşırdı.

Ğazzӓneň könyağında Hucr ӓd-Dik awılında tözelgӓn 320 toraq imzalanğan kileşü belӓn çӓrşӓmbe könne Fӓlӓstinlek Tözeklӓnderü hӓm tözeleş ministrlığına tapşırılğan ide.

TİKA Ğazzӓdӓ 20 bloktan toruçı hӓm hӓr blokta 16 fatir bulğan proyekt ӓzerlӓgӓn ide.

Hӓrberse 100 m2 bularaq planlanğan 320 fatirda yaqınça 2 meň 250 keşeneň yӓşӓwe küzdӓ totıla.



Bäyläneşle xäbärlär