Törkiyäneñ töçe çiyäse Qıtayğa “oçarğa” äzer

Törkiyä töçe çiyä üsterüdä dön’yada lider, çitkä satuda öçençe. Xäzer ul iñ zur qullanuçı bazarlarınnan berse – Qıtayğa da cibärergä uylıy.

Törkiyäneñ töçe çiyäse Qıtayğa “oçarğa” äzer

Törkiyä töçe çiyä üsterüdä dön’yada lider, çitkä satuda öçençe. Xäzer ul iñ zur qullanuçı bazarlarınnan berse – Qıtayğa da cibärergä uylıy. Bu xaqta Êgey ciläk-cimeş häm yäşelçä êksporterları berlege citäkçese Xäyretdin Uçak belderde. Ul töçe çiyä çığaruda al’ternativ bazarlar xäzerläw öçen êşçänlek alıp barıluın söyli. Moña qadär älege cimeş Awrupa Berlege illärenä, Rusiyä häm AQŞqa satılğan. Bıyıl isä Qıtay xökümäte 7 törek şirkätenä töçe çiyä kertergä röxsät birgän.

“Törkiyäneñ töçe çiyäse bıyıl sınaw uzaçaq. Annarı Qıtay bazarına 50 meñ tonna cimeş satu - xıyal bulmayaçaq. Törek êksportçılarınıñ monı başqara alırlıq köçe bar,”-dide Xäyretdin Uçak. Ul Qıtayda tuqtap qalmawların, yaña bazarlar êzläwne däwam itülären belderde. Kiläçäktä Tayvan’ bazarına çığu niyätläre bar. Älege däwlättän delegaśiya kilergä tiyeş. Alar töçe çiyä baqçaların, êş barışın häm cıyıp tutıru urınnarın qarayaçaq.

Törkiyä êksportçılar assambleyası mäğ’lümatlarına qarağanda, 2016nçı yılda 183 milliom dollarlıq töçe çiyä çığarılğan. Uzğan yıl bu san kimegän häm 159 million dollar täşkil itkän.  



Bäyläneşle xäbärlär