Törkiyä markaları Londonda

Angliyäneñ iñ zur kiyem-salıım kürgäzmäse “Pure London”da törek tovarları da kürsätelä

Törkiyä markaları Londonda

Angliyäneñ iñ zur kiyem-salıım kürgäzmäse “Pure London” işeklären açtı. Anda bıyıl 1300dän artıq şirkät qatnaşa. Arasında Törkiyä markaları da bar. Çara Londonnıñ Olimpiya kürgäzmä üzägendä ütä. Anda ayaq kiyemennän külmäkkä qadär törle tovarlar urın ala.

Kürgäzmäneñ ayaq kiyeme häm aksessuar bülegendä Törkiyädän qatnaşuçı Kallizionıñ xucası Baxadir Çam üz êşlänmälären täq’dim itä. Ul älege kürgäzmägä külüläre häm ilne wäkillek itüläre öçen söyenüen yäşermi. Çam añlatqança, Kallizio ataması ital’yança kalzatura (ayaq kiyeme) häm kualite (sıyfat) süzlärennän yasalğan. “Kollekśiyäbez, nigezdä, ir-at häm xatın-qız kün ayaq kiyemnärennän tora. Alar belän turı kilä torğan qayış, aqça yançığı häm buqça da çığarabız. Barısı da Törkiyä tovarı, bezdä citeşterelä häm Angliyä bazarında satıla,”-dip söyli Baxadir Çam.  

Ul “Pure London”nıñ tanılğan, möxtäräm kürgäzmä buluın assızıqlıy. Biredä Törkiyä êşlänmäläre kürsätelüçe defile dä ütkäreläçäk.



Bäyläneşle xäbärlär