Törkiyädä tatar tele däresläre

Törkiyäneñ İstanbul qalasında tatarça öyrätelä

Törkiyädä tatar tele däresläre

Märmär universitetınıñ Törkiyät tikşerenüläre institutı qarşında êşçänlek alıp baruçı Qayum Nasıyri isemendäge belem häm mäğarif üzägendä mart ayınnan başlap tizländerelgän tatarça kurs alıp barıla.

Atnada ike tapqır ütkärelüçe tatar tele kursların çığışı belän Tatarstannıñ Çirmeşän yaqlarınnan, Törkiyädä xezmät itkän tanılğan tatar ğalime Äqdäs Niğmät Quratnıñ yaqtaşı fännär kandidatı Läysän Şahin alıp bara.

Zur qızıqsınu kürgän tatar tele kursları iyüngä xätle baraçaq. Uquçılarnıñ kursnıñ däwamı buluın teläwen äytüçe Läysän xanım, közen “Tatarça-2”neñ bulaçağın assızıqlap, kiläse yılda isä tağın başlanğıç tatar tele kursınıñ oyıştırılaçağın belderde häm: “Monnan soñ bu 3 aylıq tatar tele kursları här yıl bulaçaq”, - dip süzlärenä östäde.



Bäyläneşle xäbärlär