Bala yäş’tä öyläneşülär bulmasın

İstanbulda bu temağa qarağan panel' oyıştırıldı

Bala yäş’tä öyläneşülär bulmasın

Dönyada här 9 qız-balanıñ berse 15 yäşe tulmıyça kiyäwgä çığa.

BMOnıñ Xalıq sanı fondı häm qaçaqlar belän teläktäşlek cämğiyäte Awrupa Berlege yärdäme belän oyıştırğan “Bala yäş’täge öyläneşülärgä qarşı üzañ panele” İstanbulda oyıştırıldı.

Panel’da İstanbulda waqıtlıça yaqlaw astında bulğan süriyäle yaqınça 250 qaçaq xatın-qız qatnaştı.

Panel’neñ açılışında çığış yasağan BMOnıñ Xalıq sanı fondı humanitar yärdäm programmasınıñ töbäk citäkçese Duygu Arığ bala yäş’tä öyläneşüneñ keşe xoquqın bozu buluın açıqladı.

Kemgä häm qayçan kiyäwgä çığunı saylawnıñ qurqu, künderü yäisä basım bulmıyça bireläçäk irekle qararnıñ bulu zarurlığın assızıqlağan Arığ: “Bu qararnı äzer bulğanda tügel, ä baliğ bulğanda birergä kiräk,” – dide.

Bala yäş’tä öyläneşülärneñ global’ problema buluına basım yasağan Duygu Arığ monıñ qız-bala häm malaylarğa da täêsir itüen citkerde.

Arığ tübändägeçä däwam itterde: “Dönyada här 9 qız-baladan berse 15 yäşe tulmıyça kiyäwgä çığa. Çamalawlarğa kürä kiläse 5 yılda 70 million qız-bala üsep citmiçä ğailä qoraçaq. Bolarğa kirtä quyarğa mömkin äle.”

Arığ qanunnarnıñ bu mäs’älädä bilgele däräcädä täêsirle buluın, bala yäş’tä öyläneşülärgä qarşı keşelärneñ totışlarınıñ üzgärtelüe zarurlığın belderde.



Bäyläneşle xäbärlär