• Video galereyası

Misırda serle qara läxet tabıldı

Anıñ miladqa qadär 305nçe - 30nçı yıllar arasında xakimlek itkän Ptolemey patşalığı çorına qarawın farazlıylar

Misırda serle qara läxet tabıldı

Misırnıñ tön’yağındağı İskändäriyä şähärendä arxeologik kazınular waqıtında granit märmärdän yasalğan qara läxet tabıldı. Belgeçlär älegä läxetneñ êçen açmadı. “Science Alert” jurnalında yazılğança, ğalimnär İskändäriyädä moña qadär tabılğan läxetlär arasında monıñ iñ zurısı buluın söyli. Ul 185 santimetr biyeklektä häm 265 santimetr ozınlıqta. Anıñ miladqa qadär 305nçe - 30nçı yıllar arasında xakimlek itkän Ptolemey patşalığı çorına qarawın farazlıylar. Qapqaç belän töp öleşe arasında ştukatur qatlawı bar. Bu läxetneñ, başqalarınnan ayırmalı bularaq, 2 meñ yıldan artıq hiç açılmağan buluı turında söyli. Qaraqlar qağılmağan häm zarar birmägän antik qaberlär Misırda bik az oçrıy.

Läxetneñ yanında uq alebastr yäisä su märmäre bularaq bilgele taştan yasalğan sın da tabıldı. Anıñ kümelgän keşeneke buluı mömkin. Läxettä yuğarı sośial’ statusqa iyä keşeneñ cäsäde buluın farazlıylar.    



Bäyläneşle xäbärlär