İñ borınğı xaywan räseme

İndoneziyädäge ber mäğarädä 40 meñ yıl êlek yasalğan räsemnär tabıldı

İñ borınğı xaywan räseme

İndoneziyanıñ Borneo utrawındağı ber mäğarädä dön’yadağı iñ borınğı räsem bularaq sanaluçı xaywan sürätläre tabıldı. Alarnıñ kimendä 40 meñ yıl êlek yasaluın farazlıylar.

BBC kanalı xäbärenä qarağanda, Kalimantan töbägeneñ könçığışındağı Borneoda bik küp räsemlär tabıla.  Anda abstrakt ob’yektlar tügel, çınbarlıqtağı cänleklärneñ sürätlänüen belderälär. Ber xaywan figurasınıñ qaban sıyırı (qırgıy sıyır) buluın uylıylar.

Mäğarädä, monnan tış, keşelärne taswirlağan räsemnär häm qul şablonnarı tabıldı.

Keşe räsemnäreneñ kimendä 13 meñ 600, qul sızımnarınıñ isä 51 meñ 800 yıl êlek yasaluı açıqlandı

Belgeçlär fikerençä, Borneoda mäğarä sänğate 40 - 52 meñ yıl êlek barlıqqa kilgän. Töbäktä tikşerelmäfän mäğarälärneñ äle küp buluın häm alarda yaña “sänğat’ äsärläre” tabarğa ömetlänülären belderälär.  



Bäyläneşle xäbärlär