Radionıñ ähämiyäte

Ul äle xaman iñ ähämiyätle xäbär alu çarası

Radionıñ ähämiyäte

Dön’ya külämendä yaqınça 44 meñ radio stanśiyäse bar. Telefon häm telegraftan soñ 19nçı ğasır axırlarında uylap tabılğan älege caylanmanıñ ähämiyäte, ayıruça, bötendön’ya suğışı waqıtında kürende. Ul millionnarça keşegä xäbär alu mömkinlege birde.

Zaman uzğan sayın radio yaña texnologiyälär belän bayıdı häm millionnarça keşeneñ iñ ähämiyätle xäbärläşü çarası buldı. Anıñ az çığımlı ikänen dä onıtmasqa kiräk. Şul säbäple iñ yarlı cirleklärdä dä keşelär belän êlemtädä torırğa mömkinlek birä.     

Ğadättän tış xäl häm afät bulğanğa da radio dön’yaküläm däräcädä ähämiyätle rol’ uynıy.

Afrikada radio sanı äle xäzer dä gazet häm televideniyedän kübräk. Toraq yortlarnıñ yaqınça 90%ında bar ul. Biredä töp êlemtä çarası bularaq radio qullanıla. Tanzaniyädä xalıqnıñ 83%ı, Zambiyädä isä 85e xäbärlärne radio aşa tıñlıy.

Alğa kitkän illärdä dä radio qullanu, êlekkege şikelle ük bulmasa da, kiñ cäyelgän.

YuNESKO êlemtä çarası bularaq radionıñ ähämiyäten assızıqlaw öçen 13nçe fevral’ne Xalıqara radio köne bularaq iğ’lan itte. Ul yıl sayın ayırım tema belän bilgeläp ütelä. Bıyılğısı - dialog, tolerantlıq häm tınıçlıq.  



Bäyläneşle xäbärlär