Qazaqstanda terrorçılıq belän köräş

Törki dönya xäbärläre 01

Qazaqstanda terrorçılıq belän köräş

Törki dönya xäbärläre 01

Qazaqstanda terrorçılıq belän köräş qanunı qabul itelde

Däwlät başlığı Nursultan Nazarbayev terrorçılıq häm radikalizmğa qarşı çaralarnın arttırıluın küzdä totuçı tärtipkä salularnı rasladı.

Şul räweşle Qazaqstanda soñğı waqıtta barlıqqa kilgän terror höcümnärennän soñ çaralarnıñ arttırıluın küzdä totuçı tärtipkä salular qanunlaştı.

İlbaşı idaräseneñ matbuğat byurosı däwlät başlığı Nursultan Nazarbayevnıñ monnan alda parlamentta qabul itelgän häm terrorçılıq belän radikalizmğa qarşı köräştä çaralarnın arttırıluına qarağan tärtipkä salularnı üz êçenä aluçı qanunnı raslawın açıqladı.

İlbaşı Nazarbayevnıñ boyırığı belän kertelgän tärtipkä salular terrorçılıqnıñ töp finans kanalları bulğan qanunsız narkobiznes, qoral satışı häm migraśiya ölkäsendä kisken çaralarnı küzdä tota.

Törki dönyanıñ 2017 mädäniyät başqalası Törkistan buldı

Cıyılışta “Törki dönya mädäniyät başqalası 2017” bulıp Törkistan şähäre saylandı.

Azärbaycanda Xalıqara törki mädäniyät oyışması TÜRKSOYnıñ 34nçe daimi şura cıyılışı häm 2016 Törki dönya mädäniyät başqalasınıñ yomğaqlaw çarası oyıştırıldı.

TÜRKSOY äğzase illäre uzğan yılnı “Törki dönya mädäniyät başqalası 2016” itep saylağan Şäki şähärendä oyıştırılğan cıyılış häm çarada Azärbaycan, Qazaqstan, Qırğızstan, Törkiyä, Törekmänstan, Moldovağa bäyle Gagavuz töbäge häm Tönyaq Kipr Törek Cömhüriyäte mädäniyät ministrları belän räsmi zatları qatnaştı.

Törki şura, Törki illär Parlamentariylar Assambleyası, Törki Akademiya, Törki mädäniyät mirası waqıfı kebek xalıqara oyışmalardan wäkillär dä qatnaşqan cıyılışta Törkiyäne Mädäniyät häm turizm ministrlığınıñ kiñäşçe urınbasarı Nihat Gül wäkillek itte.

Cıyılışta Törkistan şähäreneñ 2017nçe yılda Törki dönya mädäniyät başqalası bulıp iğlan itelüenä qarar qabul itelde. Daimi şura çirattağı 35nçe cıyılış koordinatorlığınıñ Qazaqstan Mädäniyät häm sport ministrlığı tarafınnan üz östenä alınuın häm cıyılışnıñ 2017nçe yıl azaqlarında Törkistanda ütkärelüen dä rasladı.

Ayıruça Azärbaycannıñ Mädäniyät häm turizm ministrlığı täqdime belän 2017nçe yılnıñ TÜRKSOYğa äğza illärdä tuuınıñ 300 yıllığı uñayınnan “Mulla Panah Vagifne iskä alu yılı” bularaq iğlan itelüenä qarar birelde.

Törkistan şähäre

Tarixi çığanaqlarğa kürä 4nçe ğasırda qorılğan, êlekke iseme “Yäsi” bulğan Törkistan Xuca Äxmät Yäsäwi tuğan häm yäşägän şähär bularaq belenä.

Qazaqstannıñ YUNESCO Bötendönya mirası isemlegenä kertelgän berençe tarixi äsäre bulğan häm 14nçe ğasırda Ämir Timur tarafınnan tözetelgän Yäsäwi törbäse şähärneñ iskitkeç qorılmalarınnan berse.

1992nçe yılda nigezläre salınğan Äxmät Yäsäwi Qazaq-törek universitetı da urın alğan şähärdä tarixi häm zamança şähär tormışı iğtibarnı cällep itä.

Tarixi Yefäk yulınıñ möhim şähäre bulğan Törkistan yıl buyı oyıştırılaçaq çaralar belän törle ölkälärdän sänğatçelär häm belgeçlärneñ oçraşu urınına äylänaçäk.

Azärbaycanda Törki dönya xatın-qız kiyemnäre moda tamaşası

Baqıdağı Yunıs Ämrä İnstitutı organizaśiyase, Änkaradağı Qamilläşü institutı, dizayner Gülnarä Xälilova, Moda yortı Qazaqstan häm Hanum Moda agentlığı yärdämendä “Tradiśiyadän bügengä törki dönya xatın-qız kiyemnäre moda tamaşası” 21nçe dekabr’ könne Baqı qunaqxanäsendä oyıştırıldı.

Moda çığışı cämğiyät äydäp baruçıları belän ber rättän mädäniyät häm sänğat dönyası wäkilläre qatnaşında çınğa aştı.

Tradision motivlar häm bizäklär urın alğan bersennän-berse matur kiyemnär qunaqlarğa täqdim itelgän kiçädä çığış yasağan Baqıdağı Yunıs Ämrä İnstitutı mödire İbrahim Yıldırım häm xalıq ışanıçlısı Ganirä Paşayeva çaranın ähämiyätenä basım yasap, törki qimmätlärneñ saqlanıluına häm üzläşterelüenä iğtibarnı cälep itte.

Çaranıñ açılışın Azäbaycan dizaynerı Gülnarä Xälilova ileneñ milli qimmätläre urın alğan, bersennän-berse matur kiyemnär bulğan maxsus kollekśiyase belän yasadı. Kiçädä qazaq dizaynerları Madine Massakova, Güljan Niyetkabul häm Hanım Aydaş, qırğız dizaynerı Mahabbat Samançiyeva häm Törkiyädän İlknur Koçbıyık äsärläre belän säxnädä urın aldı.

Çara Gülnarä Xälilovanıñ Azärbaycan keläm motivlarınnan täêsirlänep, proyektlağan “Kelämnärneñ tele” isemle maxsus kollekśiya kiyemnäre belän azağına yaqınlaştı.

Tanılğan cırçılar da säxnägä çıqqan kiçädä çığış yasağan Mädäniyät häm turizm ministrlığınıñ Xalıq mädäniyäte bülege mödire Fikrät Babayev qatnaşuçıalrğa maqtawlı käğazlär täqdim itte.

 



Bäyläneşle xäbärlär