Tatarstan kapital saluda berençe

Törki dönya xäbärläre 02

Tatarstan kapital saluda berençe

Törki dönya xäbärläre 02

Törkiyӓ-Azӓrbaycan-Qazaqstan öç yaqlı xezmӓttӓşlek formatı qorıla

Törkiyӓneň tışqı êşlӓr Mӓwlüt Çavuşoğlu Anadolu agentlığınıň “Möxӓrrirlӓr” tapşıruında qunaq buldı hӓm möhim açıqlawlar yasadı.

Ministr Çavuşoğlu Törkiyӓ-Azӓrbaycan-Qazaqstan öç yaqlı xezmӓttӓşlek formatınıň qorıluı östendӓ êşçӓnleklӓrneň başqarıluın belderde.

Balkan hӓm Qavqazda öç yaqlı mexanizmnarnıň dӓwam itӓçӓgen ӓytkӓn Çavuşoğlu kilӓse aylarda Azӓrbaycan-Törekmӓnstan-Törkiyӓ öç yaqlı oçraşunıň ütkӓrelӓçӓgen citkerde.

Çavuşoğlu Törkiyӓ-Azӓrbaycan-Qazaqstan mexanizmınıň da qısqa waqıtta çınğa aşırılacağın belderep: “Şul rӓweşle, regional’ tınıçlıq hӓm totrıqlılıqnı saqlar öçen tırışlıqlarıbız dӓwam itӓçӓk. Tığız tışqı sӓyӓsӓt bezne kötӓ. Törkemebez belӓn bergӓ bez moňa ӓzer,” – dide.

2017nçe yıldan kötkӓnnӓregez nӓrsӓ digӓn sorawğa ministr uzğan yılnıň barlıq qıyınlıqlarğa qaramastan iqtisadi krizissız uzuın, Törkiyӓneň üsüne dӓwam itterüen, problemalarnıň berӓm-berӓm çişelüen ӓytte. FETÖneň 15nçe iyul’ könge tüntӓreleş kereşüen xӓterlӓtkӓn Çavuşoğlu: “Törek millӓte qabat köçle bulıp, berdӓmlӓşep, ilbaşıbız Ӓrdoğan belӓn bergӓ barıbız da, millӓtebez hӓm ilebez öçen tırışlıq quyabız. Bergӓlӓşep alğa taba barabız. 2017nçe yılnıň tağın da yaxşı yıl bulacağın ömet itӓbez,” – dide.

Qırğızstanda 2017nçe yıl "Äxlaq, belem hӓm mӓdӓniyӓt yılı" itep iğlan itelgän

Qırğızstan dӓwlӓt başlığı Almazbӓk Atambayev 5nçe ğinwar könne 2017nçe yılnı ӓxlaq, belem hӓm mӓdӓniyӓt yılı itep iğlan itüçe qararnamӓne imzaladı.

Qararnamӓ qısqaça tübӓndӓgeçӓ yaňğırıy: “Dönyakülӓm awışular hӓm zamança texnologiyalӓrneň üsüe Qırğız cömhüriyӓte öçen zur forsatlar tudıru belӓn ber ük waqıtta yaňa problemalarnı da kiterep çığara. Bu şartlarda ilneň strategik qalqınu maqsatlarına ireşüe başta dӓwlӓt hӓm cӓmğiyӓtneň keşelӓrebezneň ӓxlaqı, beleme hӓm ruxıy tormışına turıdan yünӓlüe sӓlӓtenӓ bӓylde.

Tarix hӓm mӓdӓniyӓt yılı bulıp iğlan itelgӓn 2016nçı yıl çaraları cӓmğiyӓttӓn xuplaw kürde hӓm xalqıbıznıň tarixi hӓm mӓdӓni mirasın saqlawnıň ӓhӓmiyӓten kürsӓtü belӓn bergӓ bu ölkӓlӓrdӓ zur potenŝialnıň buluın, bu qimmӓtlӓrneň zamança qırğız cӓmğiyӓteneň nigezen tӓşqil’ itӓçӓgen kürsӓtte.

Yıl buyı Qırğızstan watandaşlarınıň üz il hӓm xalqınıň tarixına bulğan qızıqsınuın arttırdı.

2016nçı yılda Qırğızstanda 1916nçı yılğı Milli azatlıq baş kütӓrüeneň 100 yıllığında yuğarı milli hӓm xalıqara dӓrӓcӓdӓ iskӓ alu tantanaların oyıştırdıq. Ğasır buyı kötkӓn xalqıbıznıň bӓysezlege öçen canın fida itüçelӓr istӓlegenӓ izge wazifanı cirenӓ citkerdek.

Bu bӓylӓneştӓ 2017nçe yılnıň “Ӓxlaq, belem hӓm mӓdӓniyӓt yılı” itep iğlan itelüe xalqıbız hӓm dӓwlӓtebezneň har yaqlap üsüe öçen möhim iniŝiativa bulaçaq.”

Kapital saluda Tatarstan yӓnӓ berençe

Tatartürk.com sӓxifӓse beldergӓnçӓ, 2016nç yıl Tatarstan cӓhatennӓn yӓnӓ uňışlı uzdı. Krizis şartlarına qaramastan Tatarstanda investiŝiya kertülӓr dӓwam itӓ.

Rusiyӓneň törle töbӓklӓre arasında kapital saluda Tatarstan yӓnӓ berençe urında buldı.

“Medialogiya” şirkӓte belӓn “Publicity” isemle PR agentlığı Rusiyӓdӓ bügenge köndӓ investorlar öçen iň yaxşı urınnarnı bilgelӓde.

İsemlekneň berençe urınında Mӓskӓw töbӓge belӓn Tatarstan bar.

Tatarstannan soň Qırım, Sankt Peterburg hӓm Tömӓn kilӓ.

Primorskiy töbӓge, Saxalin, Yakutistan, Krasnodar hӓm Lipeŝk berençe 10 urınnı aluçıalr buldı.

“Rusiyӓ Federaŝiyaseneň sport başqalası” bularaq belenüçe Tatarstan Cömhüriyӓte Rusiyӓneň iň sportiv töbӓklӓre reytingında berençelekne aldı.

Reyting bilgelӓngӓndӓ töbӓklӓrdӓge sport binaları sanı, regional’, federal’ hӓm xalıqara dӓrӓcӓdӓ oyıştırılğan sport bӓygelӓre sanı kebek kriteriylar iğtibarğa alındı.

Bolardan tış milli çempionatlarda qatnaşqan sportçılar hӓm taqımnar da reytingnı bilgelӓwçe êlementlar buldı.

Mondıy reytingnı berençe tapqır Rusiyӓneň tanılğan sport gazetı “Sovetskiy Sport” ӓzerlӓde.

Rusiyӓneň sport töbӓklӓre reytingında Tatarstannan soň ikençe urınnı Sankt Peterburg hӓm öçençe urınnı Mӓskӓw aldı.

Üzbӓk Sarvinoz Kurbonboyeva Xalıqara şaxmat turnirında kömeş medal’ yawladı

Üzbӓkstan Şaxmat federaŝiyase yasağan açıqlawda 12nçe dekabr’ – 3nçe ğinwar könnӓrendӓ Hindıstannın Mumbai şӓhӓrendӓ 2nçe Xalıqara şaxmat turnirınıň oyıştırıluı belderelde.

Turnirda dönyanıň hӓr poçmağınnan kilgӓn 218 sportçı qatnaştı. Üzbӓkstannı wӓkillek itkӓn Sarvinoz Kurbonboyeva 9 tur nӓticӓsenӓ qarap, xatın-qızlarda ikençe buldı. Bӓygedӓ Ukrainanı wӓkillek itkӓn grossmeyster Adam Tuxayev berençelekne yawladı.

Kurbonboyeva 13nç dekabr’ könne Filippinnarnıň Olongapo şӓhӓrendӓ oyıştırılğan şaxmat turnirında bronza medal’ alğan ide.



Bäyläneşle xäbärlär