Azärbaycan, Üzbäkstan häm Qazaqstan: êş ciñellege, mäğarif häm simpozium

Törki dönya xäbärläre 45

Azärbaycan, Üzbäkstan häm Qazaqstan: êş ciñellege, mäğarif häm simpozium

Törkiyä-Azärbaycan arasında yuğarı belem birü ölkäsendä yaña xezmättäşlek

Törkiyä belän Azärbaycan arasında yuğarı belem alu ölkäsendä xezmättäşlek turında kileşü memorandumı imzalandı. Törkiyä yuğarı uqu şurası başlığı professor doktor Yekta Saraç belän Azärbaycan mäğarif ministrı Mikayıl Cabbarov arasında qul quyılğan kileşü memodandumı belän universitetlarğa uquçı yäş’lärne qabul itü, diplomlarnıñ ike yaqlı tanıluı häm täñgäl kilüe mäs’äläläre tärtipkä salındı.

Törkiyä yuğarı uqu şurasınnan yasalğan belderüdä İlbaşı Räcäp Tayyip Ärdoğannıñ Baqı-Tbilisi-Kars timer yulınıñ açılış tantanası öçen Azärbaycanğa yasağan räsmi säfärendä qatnaşqan YÖK Yuğarı uqu şurası başlığı professor doktor Yekta Saraçnıñ Azärbaycan Cömhüriyäte mäğarif ministrı Mikayıl Cabbarov belän ike il arasında yuğarı belem alu ölkäsendä xezmättäşlek turında kileşü memorandumına qul quyuı äytelde.

Belderügä kürä, kileşü memorandumı belän ike il arasındağı xezmättäşlek öçen struktural’qorılış qısası buldırıldı häm ike il yuğarı uqu yortları arasında akademik häm fänni ölkädäge xäzerge xezmättäşlekneñ arttırıluı maqsat itep alındı.

Belderüdä yuğarı uqu yortlarına student qabul itü, diplomlarnıñ ike yaqlı tanıluı häm ahäñlege mäs’älälären tärtipkä saluçı kileşü memorandumınıñ här ike ilneñ yuğarı uqu yortları arasında ike yaqlı bularaq uquçı yäş’lär häm uqıtuçılar belän almaşu programmalarına qatnaşunıñ arttırıluı mäs’älälären üz êçenä aluı assızıqlandı.

Üzbäkstanda "Sämärqand Mädräsä-i Aliyäläre" simpoziumı

Üzbäkstanda Törkiyäneñ TİKA törki xezmättäşlek häm koordinaśiya agentlığınıñ bulışlığı belän "Urta ğasırlardağı Sämärqand Mädräsä-i Aliyälärneñ İslam śivilizaśiyası häm mäğarif sistemasınıñ üseşendäge role" temalı xalıqara simpozium ütkärelde.

Simpozium Hacı Bäktaş Väli mädäniyät cämğiyäte, Sämärqand däwlät universitetı rektorlığı, Muğla Sıtkı Koçman universitetı rektorlığı häm Bötendönya süz akademiyası xezmättäşlege belän 30dan kübräk çit il uqıtuçı-ğalim qatnaşuında uzdırıldı.

Sämärqand däwlät universitetı rektorı professor doktor Röstäm Halmuradov simpoziumnıñ açılış çığışında Üzbäkstan belän Törkiyä arasındağı xezmättäşlekneñ üseş aluına öleş kertäçägen äytkän çara öçen xezmäten kertüçelärgä räxmätlären belderde.

TİKA başlığı urınbasarı Süreyya Är dä agentlıq tormışqa aşırğan proyektlarnıñ törlelegenä tuqtalıp uzıp, Üzbäkstan xakimiyätenä räxmäten citkerde häm uqıtuçı-ğalimnärğä uñışlar teläde.

Qazaqstan Dön’ya bankınıñ "Êş başqaru ciñellege 2018" isemlegendä

Qazaqstan Dön’ya bankınıñ "Êş başqaru ciñellege 2018" isemlegendä 190 il arasında 36nçı buldı.

Qazaqstan Milli iqtisad ministrlığınnan yasalğan yazma belderüdä Dön’ya bankınıñ “êş başqaru ciñellege 2018” isemlegendä Qazaqstannıñ 36nçı urın alıp, 46nçı urındağı İtaliyanı, 52nçe urındağı Bel’giyanı, 54nçe urındağı İzrailne, 38nçe urındağı Belarusnı, 47nçe urındağı Ärmänstannıñ häm 77nçe urındağı Qırğızstannı uzuı assızıqlandı.

Belderüdä, “Êş başqaru ciñellege 2018” xisabınıñ “azçılıq pay iyäse investorlarnıñ saqlanuı” indeksında 190 il arasında Qazaqstannıñ berençe buluı citkerelep, “Qazaqstan “kileşülärneñ ütälüe” indeksında ike yıl inde 6nçı urında, “şäxsi milek terkälüe” isemlegendä dä 17nçe urında tora”, - dip äytelde.

Qazaqstannıñ “Bankrotlıqnıñ çişelüe” indeksında 39nçı urında toruı äytelgän belderüdä “şirkät terkälüe” indeksında 41nçe, “salım alu” kürsätkeçendä 50nçe, "tözeleş öçen röxsät alu” indeksında isä 52nçe urında toruı assızıqlandı.

Êş başqaru öçen uñaylı illär Yaña Zelandiya, Singapur, Daniya, Kön’yaq Koreya häm Hong Kong bularaq bilgelände.

Qazaqstan Êş başqaru ciñellege 2017 global’ isemlegendä dä 36nçı urın alğan ide.

Taşkentta "Törek-üzbäk duslıq konśertı”

Üzbäkstan başqalası Taşkentta "Törek-üzbäk duslıq konśertı” quyıldı.

Törkistan sänğät sarayında oyıştırılğan konśertnı Törkiyäneñ Taşkent ilçelege belän Mädäniyät häm tanıtu idaräse oyıştırdı.

Konśertnıñ açılışında çığış yasawçı Törkiyäneñ Taşkent tulı wäqalätle ilçese Äxmät Başar Şän urtaq tarix, tel, din häm śivilizaśiya nigezlärenä iyä törek häm üzbäk xalıqlarınıñ küñel bağlanışların häm êçkersez tuğandaşlıq, samimi qardäşlek xislären tarix buyı saqlap qaluın häm ber-bersen yaqlawın belderde.

Şän: "Bez – törle säbäplär arqasında ğasırlar êlek ber-bersennän ayırılğan häm başqa geografiyälärdä yäşägän, fäqät yöz yıllar buyı ber-bersen sağınğan ike qardäş xalıqnıñ balaları”, - dip äytte.

Konśerta Törkiyä mädäniyät häm turizm ministrlığınıñ däwlät törek xalıq muzıkası sänğätçeläre häm däwlät xalıq biyüläre ansamble äğzaläre belän Üzbäkstannıñ "Sabo" Milli biyü ansamble häm üzbäk cırçıları çığış yasadı.

Törek xalıq muzıkası sänğätçeläre Särcan Qaradaş, Arzu Çälik Albayraq häm Orhan Ural başqarğan cırlar belän Däwlät xalıq biyüläre törkeme başqarğan Trakya, Trabzon, Bitlis häm Zäybäk töbäk xalıq biyüläre üzbäk tamaşaçılarınıñ küñellären yawladı.

Üzbäk "Sabo" biyü ansamblenen çığışı zur qızıqsınu kürgän bulsa, üzbäk sänğätçese Madina Mümtaznıñ Aşık Väysälneñ "Ozın neçkä ber yulda min” cırın başqaruı ayaqürä alqışlandı.

Konśerttan soñ ilçe Şän törek-üzbäk duslıq konśertında qatnaşuçılarğa häm konśertnı oyıştıruçılarğa räxmät xatların, istälek yazuların täqdim itte.



Bäyläneşle xäbärlär