• Video galereyası

Nogayşa 138: Bismillah’tıñ sırları (3)

Bu yuma em “BİSMİLLAH’TIÑ SIRLARI” baresinde söz bardıramız...

Nogayşa 138: Bismillah’tıñ sırları (3)

Nogayşa 138: Bismillah’tıñ sırları (3)

►Nogayşa 138: Bismillah’tıñ sırları (3)

 

Bismillah’tıñ sırları 

Baresinde aytılgan  

Manelerdiñ davamında   

Nav aqıyqatlar em aytılgan:

 

“Madem är zat al tilimen 

Bismillah dep aytadı. 

Allah atına onıñ

Nimetlerini bizge,

Akeledi em beredi;    

Bizler tagı Bismillah      

Degenimiz keregedi.

 

Bergenlerimizdi tagı    

Allah atına berip,    

Tagı Allah atıman

Alganımız keregedi.

 

Nav sebepten Allah’tıñ   

Atına bermeytagan, 

Quday esine kelmes

Gapillerdiñ bergenini,    

Almaganımız keregedi.

 

Eger aluvga mecbur bolsaq,     

Bismillah’tı biz aytsaq!..

Soñı onıñ üstinde,      

Quday’dıñ rahmetini;

Em barı nimetlerdi, 

Öziniñ bergenini,  

Körgenimiz keregedi...

 

Nav barege baylangan      

Bîr sorav em soralgan:

Quday’dıñ yaratqanı      

Barı meyva, zebzedi     

Satuvşı tablacıga,

Bîr baha, bîr qarşılıq,       

Pul, aqşa beremiz...

Acaba nav nimetlerdiñ     

Asıl iyyesi Allah    

Nimetlerine bizden

Qaydey baha tileydi...

 

So soravga bîr yavap,        

Nav kepte berilgen:

“Tuvrasına qarasaq,   

Esas nimetti bergen    

Aqıyqı iyye Allah,

Bizden sosı qıymatlı 

Nimetlerine baha dep  

Bizden üş zat tileydi:

Bîrevi zikir bolgan. 

Bîrevi em şükür bolgan.  

Ana bîrevi tagı,

Eslev yani pikir bolgan...

 

Bastabismillah degen,      

Sosı zikir boladı.

Soñda elhamdülillah,       

Ol em şükür boladı.

Ortada so qıymatlı,   

Sanatlı, yahşı nimet,   

Bîr bolgan Allah’tıñ;

Är zat özine muqtaj, 

Rızıq berüvşi Rab’tıñ    

Qudretinin mucizesi,

Rahmetiniñ ediyası    

Bolganını oylaganı;

Tagı em añlaganı,   

Sosı pikir boladı...

 

Bîr patşadıñ qıymatlı   

Ediyasını akelgen    

Qızmetşidiñ ayagını

Öbeberip ediyadıñ     

Asıl iyyesi patşadı,     

Äş eske akelmesen,

Ne darece aqmaqlıq,     

Pikirsizlik boladı;

Aynı sonday bizge kelgen 

Quday nimetleriniñ 

Körgenimiz sebebini

Maqtayberip, em süyüp, 

Aqıyqı nimet iyyesi   

Rab Allah’tı mıtqanımız,

Sosından miñ darece     

Taga aqmaqlıq boladı...

 

Ey nepis, sosınday 

Aqmaq bolgandı tilemesen; 

Allah atına ber!    

Allah atına al!

Allah atına basla!  

Allah atına isle! 

Vesselam!  

      

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär