• Video galereyası

Nogayşa 141: Tört maraz em darisi (3)

Bu yuma em “TÖRT MARAZ EM DARİSİ” baresinde söz bardıramız...

Nogayşa 141: Tört maraz em darisi (3)

Nogayşa 141: Tört maraz em darisi (3)

►Nogayşa 141: Tört maraz em darisi (3)

 

Qalpke kelgen marazlardan,

Bîr ademdiñ öziniñ,   

Etkeni qayırlarga,

Em iygilikke sengeni,

Ucbdegen bîr maraz  

Baresinde bîr alimdiñ

Aytqanınıñ davamı,    

Nav maneler bolgan:

 

“-İnsan aytıyagım aqıyqattı,   

Arüv etip oylasa-    

İnsan üşün paydalı,

Yade zararlı bolgan    

Neşe miñ türlü isler,    

Tögereginde aylangan...

 

So islerdiñ baresi, 

Bîr maqsatpan, düzenmen   

Bolup turganı alde,

Tek sosınlardıñ bîrevine   

İnsandıñ tiyelmaganı,   

Nav manedi aqılga   

Hamen alıp akelgen:

Demek sosı islerdi,  

Ne insandıñ özi,      

Ne sebebler etpeydi...

Barı sosı islerdiñ  

Baresini yaratqan,    

Yahşı kepte tüzetken,

Hak Rab’tıñ özi bolgan. 

Etkenini köp arüv   

Biletagan bîr Allah

Sosınlardı yaratqan...

 

Nav haqıyqatlar sebep, 

Sen ey aciz insan,   

İş, tıs, tögereginde

Yaratılgan ne bolsa,    

Sosı isler baresinde     

İyyelik davasını,  

Deral tasla, sondan qayt!  

Mülkti esas iyyesine, 

Allah’qa teslim et!

 

Özindi ongınlıqtıñ      

Asla iyyesi körme!     

Barı iygiliklerindi,

Asla özinden bilme! 

 

Tagı sen navdı em bil!      

Senden saga yalgızca

Noqsanlıq em qusur kelgen.   

Atta ziyadası sen,

Barı saga berilgen      

Ongınlıqtı tagı em,

Dayim avıstırasın...

 

Senin üyüñ ornında  

Saga berilgen tenin,      

Sosı amanat bolgan...

Etken iygilikleriñ barı, 

Quday betten sosınlar, 

Sendey aciz ademge,  

Meccanen berilgen...

Qolındaqı äş bîr zat,     

Barı senin bolmagan!

 

Tek islegen künalerin,  

Seniñ özinden bolgan... 

Sen özin tilegenge,

Küna süytüp yaratılgan! 

 

Nav sebepten ey insan,      

‘Lehül mülk ve lehül hamd,

Ve la havle vela quvvete       

İlla billah’ dep inan!

Yani ‘Mülk Allah’tıñ    

Hamd tagı oga bolgan!    

Küş, quvvat ne bolsa

Yalgız Quday’dın bolgan...      

Bizim küş quvvatımız,  

Yalgız Allah’tan bolgan!’        

Dep bil, solay inan!”

 

“Qalpke kelgen marazlardan     

Üşünşisi  gurur bolgan:

İnsandıñ etkenimen        

Maqtanganı al bolgan...

 

Nav marazban so insan,    

Maddi em manevi,

Ongınlıqtan, iygilikten,        

Barı mahrum bolıp qalgan!

 

Nav marazga tüsse insan,     

Basqalardıñ ongınlıgın

Äş bîr zaman köralmagan...

 

Gurur, kibirge kirip  

Özini basqalardan    

Üyken körse insan;

Basqasını tömende,      

Noqsan körse adem, 

Özinin tapqanınıñ    

Öz özine yetiyegine    

Senip inanganı zaman;

Sosı al ademge,       

Üyken noqsanlıq bolgan...

 

Nav marazga tüsken 

Sonday bazı insanlar,

Özlerinin bilgenini;

Em manevi sırlardan    

Aşılgan manelerdi,     

Taga biyik körgen üşün,

Avvel zamanda ötken 

Neşe üyken alimlerdiñ,  

Tagı em mürşitlerdiñ

Yol kösterivşi allerinden;   

Sosınlardan keliyek 

Manevi baylıqlardan

Är dayim mahrum qalgan...

 

Soñda evhamga tüsüp     

Bütün bütün so insanlar, 

Tuvra yızgıdan şıgıp       

Haq’qa erek qalganlar...

 

Nege desek avvelki,  

Üyken, ullı valiylerdiñ 

Qırq künde qazanganı

Manevi darecedi,    

Nav öktemsi insanlar,   

Qırq sanede tabalmagan...”

  

Savlıqpan qalıñız...

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär