• Video galereyası

Nogayşa 143: Üyken bazar üş aylar

Bu yuma “ÜYKEN BAZAR ÜŞ AYLAR” baresinde habarlasamız!

Nogayşa 143: Üyken bazar üş aylar

Nogayşa 143: Üyken bazar üş aylar

►Nogayşa 143: Üyken bazar üş aylar

 

Köp mübarek, köp savaplı      

İbadet vaktı üş aylarñ

Bîrinşisi Receb bolgan, 

Ekinşi ayıŞaban,    

Tagı üşünşüsi em,     

Ramazan ayı bolgan! 

 

Bizim üşün sosı aylar,

Ahiret’ti qazanuvga,  

Baresi bolgan bazar!

 

Nege desek nav aylar, 

Är küni, em är vaqtı,   

Barı savappan tolgan...

Em Allah’qa yuvıqlıqqa,      

Köp qayırlı sebep bolgan...

 

İbadet neşe bolsa,

Basqa vaqıt, qay zaman,  

Bergen Allahon savap...

Şerepli ay Recepte,     

Savablar yüzdi ozgan...

 

Ullı Şaban ayında,   

Etilse bîr ibadet;   

Soga Qudaysavabı,

Üş yüzlerden sozulgan...

 

Mübarek Ramazanda,

İygilik, barı savap,  

Mingeşe yetip bargan...

 

Yuma keşelerinde em,   

Miñlergeşe  köterilgen...

Kadir keşege yetkende,   

Otuz miñlerge şıqqan...

 

Ene sonday paydalarman,    

Qazanganı sansız bolgan,

Yahşı zaman üş aylar,    

Gayrat qılgan är mü’minge,  

Ahiretti em qazandırgan...

 

Küşli iymanlı müsliman,

Toltursa so aylardı,  

Zikir, ibadet, tagatpan,

Em Allah’tıñ yaratqanın     

Oylayalsa ibretpinen,

Seksan üş sene ömirdi,      

So üş ayda qazangan...

 

Qur’an’dıñ är bîr arpi, 

Oqınganda savabı,

Basqa vaqıt on bolsa, 

Üş aylarga yetkende,   

Yüzler, miñlergeşe şıqqan...

 

Üş aylar işinde em,   

Sıylı keşeler de bolgan...

Receb’diñ ilk yuması, 

Mübarek Regaib,  

Yirma yeti Receb’de,     

Miraş keşesi bolgan...

Ol keşelerde şalışqan

Barı mümin ademge,  

Miñler savap yazılgan...

 

Şaban ayı on bes’te,   

Berat keşesi bolgan...

Bütün sane işinde, 

Qudaybizge so keşedi,

Ullı şekirdek qılgan...

Basımızga keliyekler, 

Ne bar bolsa ol keşe,      

Quday betten yazgan...

 

Är bîr salih ameldiñ, 

Em bîr arpi Qur’an’dıñ,

Berat keşede savabı, 

Yırma mingeşe şıqqan...

Ramazanga yetkende,

Yirma yetinşi keşede,

Eñ mübarek bîr keşe,

Qadirkeşesi bolgan...

Är bîr iygilik, savap,  

Otuz mingeşem şıqqan...

So sebebden üş aylarda,  

Böten sıylı keşelerde,

Bazı elli, bazı seksan,    

Sanelerde qazanılgan

Eske kelmes savablardı,    

Qullarına bîr keşede,

Hak Ta’ala bagışlagan...    

 

Sosı sıylı keşelerde,     

Köbinşe Qur’an oqınsa; 

Allah’tan em tilense,    

Keşirüvler yürekten;  

Em aytılsa bîr yaqtan,    

Paygambar’ga salat, selam;

Neşe, bek köp kär bolgan...

 

Ziyadası tagı bar:     

“Sübhanallah” desek em,

Elhamdülillah barabar,  

Allahü ekber de qosılsa; 

Är dayim em aytılsa,  

La ilahe illallah;

Allah bizlerge bergen, 

Üş aylar, em keşelerde

Aqıl yetpes neşe kär...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär