Nogayşa 151: Qartlarga bȋr neşe umut (4)

►Nogayşa 151: Qartlarga bȋr neşe umut (4)

Qartlarga bîr neşe,   

Umut, süyünşi bolgan   

Aqıyqattıñ törtünşüsi,

Bîr üyken alimdiñ    

Aytqanları kebimen     

Nav maneler bolgan:

“Bîr zaman qartlıqqa 

Ayaq basqanım vaqıt,  

Gaplet davam ettirgen

Badenimdiñ savlıgı,       

Azayıp bızılgan edi...

Em qartlıgım, em maraz,    

Ekevi barabarşa   

Maga ücum etken edi...

Basımga soga soga         

Uyqumdı qaşırgan edi...

Bala baqa em malday

Meni dünyaga baylıyaq

Bavlarım da yoq edi...

Yaslıq sarsemligimen       

Qolımda ekende şıqqan

Ömür sarmayamdıñ men      

Barı meyvalarını  

Küna, qabahat kördüm!

Aynı Niyazi Mısrıy’day  

Tarayganga yılap 

Bîr yatlavında aytqanını,

Özüm sözindey ayttım:

‘Bîr ticaret yapmadım, naqd-i ömür oldı heba!

Yola geldim,lakin göçmüş, cümle kervan, bihaber!

Aglayıp, nalan edip düştüm yola,tenha garib!

Dide giryan, sine biryan, aqıl hayran, bihaber...’

‘Öz tilimizben aytsaq;   

Ömür sarmayamdımen,

Bîr ticaret etalmay        

Bos bosına tavistim...

Aqlım basımga kelip  

Yolga kelgen edim tek,

Menim qabarım bolmay

Kervanlar köşip ketken! 

Şarasız bîr basıma,          

Yılayberip, iñleyberip,

Közlerimden yaslar agıp,       

Tagı yüregim em küyüp,

Aqlım basımda bolmay       

Bîr basımga yolga tüstüm...’

Sosı vaqıt tagı men,       

Elimden erekte edim...

Pişmanlıqpan muñayıp    

Ta yüregimdiñ işinden

Asretpen imdat tiledim...  

So alde ekende bîrden  

İşi mucize tolgan

Qur’an yardamga yetti:

Nav Quran’dıñ bergeni,  

Köp quvvatlı umutlar, 

Em yahşı tasalli, 

So darecede edi em,   

İşine tüsken alim,   

Yüz qat beter bolgay edi,

Quran’dıñ tasellisi,    

Maga bergen umutları,

Muñunlıqtı dagıtıp 

Qarangıdı aketpege   

Barı maga yeter edi...

Mine sosı ullı Qur’an,    

Nav nisbette neşe,   

Umut esigi aşıp,

Üşün tasalli berip        

Sav işimdi yarqadı...

So Qur’an’dıñ tasellisi     

Em bergeni umutlar,

Qaydey bolganın tagı,      

Keliyek yuma nasip bolsa,

Bizge ayttırsın Quday...     

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com