Nogayşa 154: Qartlarga bȋr neşe umut (7)

Bu yuma em “QARTLARGA BȊR NEŞE UMUT” baresinde söz bardıramız!

Nogayşa 154: Qartlarga bȋr neşe umut (7)

Nogayşa 154: Qartlarga bȋr neşe umut (7)

►Nogayşa 154: Qartlarga bȋr neşe umut (7)

 

Qartlarga berilgen   

Bîr neşe süyünşi,    

Tagı umut baresinde,

Besinşide aytılgan  

Manelerden qalganlar,

Nav aqıyqatlar bolgan:

 

“Em sosı käinattıñ 

Hikmetli yaratuvşısı,  

Quday Hak Allah’tıñ

Bütün yahşı atlarınıñ  

Nav dünyada köringen    

Barı yahşı alleri,

Bîr davamlı alemdiñ  

Qayta yaratılayagını,

Tagı kerek bolganını,

Baremizge bildirgen...

 

Em Rabb’ımız Haq Allah,  

Är sanede baharda,

Yer yüzinde ayaqta

Turgan adsiz, esapsız, 

Ölgen neşe terektiñ     

Quru cenazesini,

Kün feyekün’ emrimen 

‘Bol’ degende baredi,  

Bîrden tiriltkenimen

‘Basübadel mevt’ti,  

‘Ölgen song tirilgen’di,    

Barı esli insanga,

Aşıq etip körsetken...

 

Em ölgen soñ tirligendiñ 

Neşe basqa misalini,

Sosı Quday Rabb’ımız,

Är baharda bizge,

Ösimlik em yanvarlardıñ 

Milyonlarşa taypasını,

Hadsiz azali qudretpen  

Qayta tiriltken vaqıt,    

İnsanlardı tagı em,

Qaytip tiriltiyegini,   

Qayta qayta baremizdiñ   

Közlerine körsetken...

 

Ahirettiñ keliyegine  

Basqaşa bîr delil, 

Sav esapsiz, israpsız,

Bîr abedi hikmettiñ 

İyyesi Rab Allah’tıñ   

Barı rızıqqa muqtaj

Yan tasıgan maqluqtı, 

Neşe bîr maramatpan, 

Gayet alamet keppen,

Är dayim, är yerde, 

Baresini toyurup  

Aş taslamaganı bolgan...

 

Em gene är baharda,

Tagı em az zamanda, 

Had hesapqa kelmes

Bezek em yahşılıqtıñ

Misalini körsetken 

Bîr davamlı rahmet,

Em dayimi kömek, 

Gene äşkere bizge 

Nav dünyadan taga yahşı

Bîr alemdiñ keliyegine,

Tagı kerek bolganına,

Neşe bîr delil bolgan...

 

Tagı nav käinattıñ    

En ongın meyvası,    

Em sosı käinattı,

Yaratqan Allah’tıñ    

En köp süygen maqluqı; 

So darace qıymatta 

Yaratqanı insandıñ 

ñline em salganı

Ölümsüzlük süygüsiniñ

Abadilik aşqınıñ,

Tavsilmegen tileginiñ,

Barı işaretleriniñ     

Körsetken kebimen      

Nav ozıvşı alemdiñ

Soñında keliyek    

Bîr baqıy alemdiñ,     

Yani ahiret yurtınıñ,

Bîr tädim ornınıñ,   

Muhaqqaq bolıyagını,   

Esimizge bildirgen...

 

Nav dünyadıñ barlıgı, 

Qaytip üşün tuvra bolsa, 

Äş şüphe bolmas kepte,   

Yogarda aytılgan     

Aqıyqatlar baresi,

Ahirettiñ bolıyagını   

Qabul etkendi bizim,   

Kerektirip körsetken...

 

Yogardaqı manelerdi,     

Taga keñ bilsem desen,

Burungı programdan      

Yüz qırq törten qırq yetige (144-147)   

Qarasañız yahşı bolgan...  

 

Madem hikmetli Qur’an’dıñ     

Bizge bergen em muhim

Bîr dersi Ahiretke         

İymanımız bolgan...

Sosı iyman tagı em,      

Nav darece küşli bolgan...

 

Em sosı iymanda,   

Neşe umut, taselli     

Tolu bolgan sebeppen

Yüz miñ qartlıq bizge kelse,       

So iymandıñ tasellisi,

Qarşılıq kelir dep      

Özim tap inanganman...

 

Biz qartlar nav sebepten  

‘Elhamdülilahi ala    

Kemalil-iyman’ dep

İymanlarımız sebep     

Allah’qa şükür etip  

Qartlıgımızga süyünsek

Tuvra, kerek, yahşı bolgan...

 

Savlıqpan qalıñız..

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär