Miñnexanov Änkarada tatarlar belän oçraştı

“Törek wä tatar dönyasında” tapşıruı. 29.04.2018

Miñnexanov Änkarada tatarlar belän oçraştı
Röstäm Miñnexanov Änkarada tatar cämğıyätendä
Röstäm Miñnexanov Änkarada tatar cämğıyätendä

Törkiyägä säfär belän kilgän Tatarstan İlbaşı Röstäm Miñnexanov başqala Änkaradağı tatar cämğıyätendä oçraşu ütkärde. 26.04.2018

Ärcan Bilgin fotosüräte

Törek wä tatar dönyasında - 2018/04

►Törek wä tatar dönyasında - 2018/04

2018nçe yılnıñ 26nçı aprel’ könne tatar milli şağire Ğabdulla Tuqaynıñ tuğan könendä Törkiyä başqalası Änkarağa Tatarstan İlbaşı Röstäm Miñnexanov citäkçelegendä wäkillek bulıp kitte.

Tatarstan qunaqları Törkiyädäge räsmi söyläşülärennän tış başqala Änkaradağı Tuqay häykälenä çäçäk bäylämnären saldı, Ğabdulla Tuqay uramında urnaşqan tatar cämğiyäte binasında millättäşlär, ildäşlär belän oçraştı.

Tatarstan Premyer-ministr urınbasarı häm Bötendönya tatar kongressınıñ Milli Şura başlığı Vasil Şäyxraziyev alıp barğan kiçädä Änkaradağı tatar cämğiyäte “Kazan mädäniyät häm yärdämläşü därnäge” başlığı Fuat Tiniş süz alıp, cämğiyät häm başqaladağı tatarlar turında mäğ’lümar birde, Törkiyä belän Tatarstan arasındağı mönäsäbätlären bäyäläde.

Bötendönya tatar ligasınıñ berençe qoruçı başlığı, yazuçı häm jurnalist märxüm Ali Aqışnıñ bertuğanı Säidä Aqış ta fikeren citkergän oçraşuda Törkiyädä belem aluçı tatar yäş’lärennän doktorant İlyas Miftaxovqa ta süz birelde.

 

Tatar cämğiyäte xorı qunaqlar öçen maxsus muzıkal’ programma äzerlägän kiçädä Törkiyä Cömhüriyäteneñ Qazandağı êlekke baş konsulı Turxan Dilmaç ta qatnaştı.

 

Tatarstan Däwlät başlığı Röstäm Miñnexanov tatar Änkaradağı tatar cämğiyäte binasındağı çığışınnan soñ qayber millättäşlärebezgä büläklären häm räxmät xatların tapşırdı.

Kiçädän yazdırıp alınğan yazmanı video bülegennän qarıy alasız yäisä TAWIŞ UYNATQIÇINNAN tıñlıy alasız.

 

İñ östäge fotosürättä: Tatarstan İlbaşı Röstäm Miñnexanov Bötendönya tatar ligasınıñ berençe başlığı, yazuçı häm jurnalist Ali Aqışnıñ señlese Säidä Aqışqa büläk tapşırğan çaqta.

Ärcan Bilgin häm tatarstan.ru fotosürätläre.

Tatarstan Baş ministrı urınbasarı Vasil Şäyxraziyev | TRT  Tatarça

 


Bäyläneşle xäbärlär