Nogayşa 161: Eñ qazanşlı ticaret (5)

Bu yuma “EÑ QAZANŞLI TİCARET” baresinin soñını aytamız!

Nogayşa 161: Eñ qazanşlı ticaret (5)

Nogayşa 161: Eñ qazanşlı ticaret (5)

►Nogayşa 161: Eñ qazanşlı ticaret (5)

 

Allah mümin qullarından  

Nepis em mallarını,

Yannet qarşılıgında

Özlerinden satıp algan!”  

Manelerine kelgen 

Bîr Qur’an ayetiniñ

Aqıyqatı baresinde, 

Üyken bîr alimdiñ    

Aytqanlarından qalgan

Soñ sözler nav bolgan:

 

“Ey nepsim sen özin 

Barı alat müşendi,    

Hak Rabb’ımızga satpay

Onun üşün isletpesen,

Ugrayagıñ zararlardan

Birinşisi nav bolgan:

 

Neşe bîr süygen malın, 

Tagı em balların,

Em yürekten baylanganın

Nepis em avasların;

 

Bîr yaqtan köp süygeniñ    

Yaslıgıñ em yaşavıñ,

Zayı bolup yoq bolıyaq;     

Barı qoldan şıgıyaq! 

Tek künalermen aşuvlardı,   

Baresini saga taslap

Nav moynına yükliyek!

 

Ekinşi bîr zarar:   

Amanatqa hıyanet     

Yezasını tartıyaqsın...

Nege desen en qıymatlı   

Alatlarındı sen nepis,   

Eñ qıymatsız zatlarga     

Qarcayberip zulmettin...

 

Üşünşi bir zarar: 

So qıymatlı cihazlardı,   

Ayvanlıqtan köp oyga,

Tömenlerge tüsürüp

Em ilahi ikmetke    

İptiraman zulmettin!

 

Törtünşi bîr zarar:     

Em aciz em yarlı,      

Bolganın alde sen,

Avır yaşav yügini,     

Arıq beline yüklep     

Ayrılıq em yoqluq

Sillesiniñ astında,     

Dayim yılap turıyaqsın...

 

Besinşi bîr zarar, 

Soñsız hayat esasını, 

Em ahirettiñ tediminiñ

Kereklerini tapsan dep 

Saga berilgen aqıl,  

Qalp, köz em tildey

Biyik Rahmani ediyalardı,   

Yahannem qapılarını,

Saga aşıyaq bîr kepke        

Sen özin avdargansın!

 

Endi satpaga qarıyaqpız...

Acaba köp avır bîr zat       

Bolgan da bîr köp adem,

So avırlıq sebebimen   

Allah’qa satuvdan

Turgan yerde qaşıpyatır!

 

Yoq asla äş sonday     

Bîr avırlıgı bolmagan! 

 

Nege desek alalñ   

Tögeregi keñ bolgan! 

Em keyipke käpi kelgen... 

Aramlarga kirmege 

Äş kerek qalmagan...

 

İlahiparzlar desek, 

Em yeñil em az bolgan...

 

Allah’qa qul bolup, 

Tagı asker bolganımız, 

Bizge neşe dareceler,

Em şerepler qazandırgan...

So daracedi aytuvga   

Tildiñ sözi bolmagan...

 

Vazipemiz ne eken?” desek, 

Aynı bîr askerge usap   

Allah namına islesek! 

Allah namına baslasaq! 

Allah esabına berip

Allah namına alsaq...

 

Yalgız Allah ıznıman,     

Qanunı tögerinde,    

Areket etsek kerek...

Sosı aller soñında,    

Tınışlıq tapsaq kerek...

 

Qusur etsek istiğpar  

Eteberip Quday’ga. 

Keşirgenin tilep:

Ya Rab qusurumuzdı,  

Ayavınman ap et!  

Özine qul qabul et!

Amanatındı algaşe  

Amanatta emin et!      

Amin!” dep dua etip

Soga yalbarsaq kerek... 

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär