Törkiyäneñ Süriyädäge adımnarı

Kön tärtibe 22

Törkiyäneñ Süriyädäge adımnarı

Süriyadӓge kiyerenkelekne azaytu hӓm taraflar arasında tınıçlıq urnaştıru öçen qorılğan Astana mexanizmı êşli birӓ. Törkiyӓ, Rusiyӓ hӓm İran garantlığındağı barış qısalarında bilgelӓngӓn kiyerenkelekne azaytu töbӓklӓrenӓ qarata rejim, Rusiyӓ hӓm İran höcümnӓren dӓwam itterep, töbӓklӓrne qulğa töşerüennӓn soň ayıruça İdlib töbӓge ӓhӓmiyӓtle buldı. İdlib qalğan kiyerenkelekne azaytu töbӓklӓre belӓn çağıştırğanda turıdan Törkiyӓgӓ çik buyı buluı Törkiyӓne köçӓytep cibӓrüçe möhim faktör. Ayıruça rejim köçlӓre qamaw astına alğan töbӓklӓrdӓge Süriyӓle oppoziŝiyaçellӓrgӓ İdlib hӓm Fӓrat qalqanı operaŝiyase töbӓgenӓ küçüe İdlibne xӓrbi oppoziŝiya nığıtmasına ӓylӓnderçe faktorlardan. Astana barışı qısalarında İdlib kiyerenkelekne azaytu töbӓge qalğan töbӓklӓrgӓ kürӓ ayırılıp tora. Törkiyӓ 12, Rusiyӓ 10 hӓm İran 7 küzӓtü urını qorğan İdlib kiyerenkelekne azaytu töbӓgendӓ bӓreleşlӓr zur ülçӓmdӓ tuqtatıldı. Ayıruça Törkiyӓ tözegӓn küzӓtü urınnarı rejim köçlӓreneň Süriyӓle oppoziŝiyaçellӓrgӓ qarşı xӓrbi alğa baruına qomaçawlawçı diwar wazifasın cirenӓ citkerӓ.

Sayӓsӓt, iqtisad hӓm ictimaği tikşerenülӓr waqıfı SETAda tikşerenüçe, yazuçı Can Acunnıň mӓs’ӓlӓ belӓn bӓyle açıqlawın tӓqdim itӓbez.

Törkiyӓ töbӓktӓ qorğan küzӓtü urınnarı operaŝiya mӓgnӓsendӓ şaqtıy qıyınlıq tudıra. Törkiyӓneň üz çigennӓn turıdan yuqqa çığaruı uňaylıq bulğanda İdlib töbӓgendӓge radikal’ törkemnӓr hӓm rejim agentlarınıň ixtimallı höcümnӓre Törkiyӓneň tınıçlıq urnaştıru wazifasın awırlaştıra. Şul rӓweşle ber küçerü êşe waqıtında törek konvoyı bombalı transport çarasınıň şartlatıluı belӓn zıyan kürgӓn ide. Qaywaqıt rejim köçlӓre hӓm İran cibӓrgӓn şiğıy suğışçıları tarafınnan Törkiyӓ ğaskӓriyenӓ tınıçsız itü öçen ut açıldı. Törkiyӓneň Süriyӓdӓge bӓreleşlӓrne tuqtatu öçen üz ğaskӓriyen front liniyasenӓ urnaştıruı Törkiyӓneň töbӓktӓge suğışnı tuqtatuğa qarağan iradӓsen kürsӓtep tora.

Törkiyӓ ber yaqtan Astana barışı belӓn Ӓsӓd rejimı hӓm Süriyӓ oppoziŝiyase arasındağı suğışnı tuqtatıp, keşelӓrneň ülüen buldırmıyça, taraflar arasında söylӓşülӓr hӓm küçü barışına sӓbӓpçe bulğanda ikençe yaqtan Süriyӓdӓge xaostan faydalanuçı terror oyışmalarına qarşı körӓşen dӓwam itterӓ. “Fӓrat qalqanı” operaŝiyase belӓn DEAŞ terror oyışmasınnan çigen çistartqan Törkiyӓ soňınnan Afrin töbӓgen PKK/YPG terror oyışmasınnan arındırdı. Törkiyӓneň ike operaŝiyadӓ cirle süriyӓle berleklӓr belӓn urtaq êş başqaruı Törkiyӓneň töbӓktӓge tӓêsir alanın hӓm töbӓktӓ kolonizator mantiği belӓn êş başqarmawın kürsӓtӓ. Törkiyӓ terrorçılıqqa qarşı körӓşkӓndӓ ber yaqtan kürşe ile Süriyӓdӓ tınıçlıqnıň hӓm xozurnıň urnaştırıluı öçen adımnar yasıy, ikençe yaqtan üz milli iminlegen tӓêmin itӓ. Şul rӓweşle, Fӓrat qalqanı xӓrӓkӓtennӓn soň DEAŞ terror oyışmasınıň Törkiyӓdӓge terror höcümnӓre hӓm höcüm kereşülӓre azaydı. Şulay uq Zӓytün botağı operaŝiyase Hatay hӓm Amanos tawları töbӓklӓrendӓge PKK terror oyışması höcümnӓren hӓm höcüm kereşülӓren beterde.

Fӓqat Törkiyӓneň terrorçılıqqa qarşı körӓşe qalğan töbӓklӓrdӓ dӓwam itӓ. Ğiraqta baruçı operaŝiya belӓn ber rӓttӓn Süriyӓneň tön’yağındağı PKK/YPGğa qarata da möhim adımnar yasala. AQŞnıň YPG belӓn berlektӓşlegendӓ üzeneken itüe töbӓktӓge terrorçılıqnıň beterelüenӓ kirtӓ quya, şul uq waqıtta Törkiyӓneň milli iminlegenӓ yanıy. Törkiyӓ hӓm AQŞ arasında YPG hӓm ayıruça Mӓnbiç töbӓgeneň kilӓçӓge xaqındağı söylӓşülӓr küptӓnnӓn dӓwam itӓ. AQŞ Mӓnbiç töbӓgen qulğa töşergӓndӓ YPGneň töbӓktӓn çigelӓçӓge süzen birep, anı ütӓmӓwe hӓm YPGne yaqlap, qalqan buluı ike NATO berlektӓş il arasındağı mönӓsӓbӓtlӓrne kiyerenke xӓlgӓ kiterde. AQŞ dӓwlӓt sӓrqӓtibe Reks Tillersonnıň Törkiyӓgӓ kilep, Mӓnbiç mӓs’ӓlӓsen törek xezmӓttӓşe belӓn söylӓşüennӓn soň ike il arasında kileşü tözelgӓn ide. Soňınnan Trampnıň anıň urınına dӓwlӓt sӓrqӓtibe bularaq Mayk Pompeonı bilgelӓwe barışnıň waqıtlıça tuqtap qaluın kiterep çığardı. Törkiyӓ tışqı êşlӓr ministrı Mӓwlüt Çavuşoğlunıň uzğan könnӓrdӓ yasağan açıqlaw buyınça ike il arasında Mӓnbiç probleması öçen ölge kileşü tӓêmin itelde hӓm centeklӓrneň barışta tögӓl xӓl aluı planlana.

Çavuşoğlunıň açıqlawınnan soň cirle çığanaqlar citkergӓn mӓğlümatlarğa kürӓ YPG suğışçıları töbӓktӓn kitӓr öçen ӓzerleklӓr başlattı. Şul rӓweşle Törkiyӓ hӓm AQŞ arasındağı kileşü qısalarında YPG Mӓnbiçtӓn kitep, Fӓratnıň könçığışına küçӓçӓk, Törkiyӓ hӓm AQŞ töbӓktӓge iminlekne bergӓ urnaştıraçaq hӓm ike il bergӓlӓşep Mӓnbiçneň cirle citӓkçeleklӓre belӓn poliŝiya köçlӓren bilgeliyӓçӓk. Törkiyӓ hӓm AQŞ arasında Mӓnbiç mӓs’ӓlӓsendӓ tӓraqqıyӓt’ tӓêmin itelsӓ dӓ, Fӓratnıň könçığışında YPG terror oyışmasınıň buluı ike il arasında Süriyӓ küçӓrendӓge problemalarnıň betmӓyӓçӓgen kürsӓtep tora. Fӓqat Mӓnbiçtӓ Törkiyӓ hӓm AQŞnıň bergӓ êş başqaruı ike NATO berlektӓşe arasındağı êlemtӓ, koordinaŝiya hӓm ışanıçnı arttıraçaq. Mӓnbiçtӓ kileşӓ aluçı ike il Süriyӓneň qalğan töbӓklӓre öçen dӓ kileşü tӓêmin itӓ ala.



Bäyläneşle xäbärlär