Nogayşa 166: Şükür (1)

Bu yuma “ŞÜKÜR” baresinde söz bardıramız!

Nogayşa 166: Şükür (1)

Nogayşa 166: Şükür (1)

►Nogayşa 166: Şükür (1)

Qur’an-ı Mu’cizü’l- Beyan’dıñ     

Qayta qayta aytqanı:

Efala yeşkürun efela yeşkürun       

Ve seneczi’ş-şakirin

Le in şekertüm le ezidenneküm

Belillahe fa’büd ve kün mine’ş-şakirin”      

Ayetlerinde ötken keppen

Yaratuvşı Rahman’dıñ      

Biz qullarından tilegeni,

Em körsetkeni üyken maqsat,     

Eñ müyim is, şükür bolgan...

 

Furqan-i Hakim’inde,     

Allah özi müyimsirep

Bizdi şükürge davet etken...

Eger şükür etpesek; 

Qolumuzga berilgen  

Barı nimetler üşün:

“Sosınlar nimet tuvıl!    

Nimet ne eken? tanımam men!”

Manesine keliyegini,    

Din sözimen aytılsa,  

Tekzip, inkar bolıyagını,  

Bizge kitabımız Qur’an,  

Febieyyi alai rabbiküma tükezziban

Ayetindeki permanıman,     

Rahman suresi’nde sonı,

Şiddetli em dahşet kepte,

Otuz bîr qayta aytıp,

Qayta qayta qorqustup,

Baremizge bildirgen...

 

İyye, Quran-ı Hakim,  

Qaydey bolsa şükürdi,  

Yaratqandıñ neticesi

Körsetkeni qasında,

Qur’an-ı Kebir bolgan,  

Yani üyken bîr Quran,

Nav käinat tagı em     

Aynı manedi aytqan...

 

Qaytip boladı desek;  

Alemdiñ yaratılganınıñ 

Eñ mühim neticesi,

Allah’qa şükür bolgan...    

Nege desek käinatqa

Dıqqatpınan qaransa,      

Körilgen nav mane bolgan:

Käinatñ tüzüvi, 

Soñı şükür bolıyaq   

Bîr kepte yaratılgan:

 

Yani är zat şükürge      

Qarar keppen yaratılgan.

Em är bîr zat bîr darece,   

Şükürge taban yönaygan...

 

Guya käinat tereginiñ 

müyim bîr meyvası, 

Allah’qa şükür bolgan...

 

Em käinat pabrikasınıñ  

Şıgarganı maqsuldıñ 

Eñ üykeni, eñ arüvi,       

Şükür degen maqsul bolgan...

 

Nege desek alemdiñ   

Yaratılgan kebine   

Oylayberip qarasaq,

Nav alemdiñ maqluqları, 

Bîr tögerek kebinde  

Tüzetilip işinde,

Ortaga hayat salıngan...

Bütün yaratılgan ne bolsa    

Barı hayatqa qarap

Soga qızmatşı bolgan...

 

Yaşavga kerek bolgan 

Ne zat bolgan bolsa,   

Barı maqluqlar sonı,

Yaşav üşün östirgen...       

Em yaşavga yetkergen...

 

Demek käinattı yaratqan  

Allah cella celalühü,  

Nav yaratqanlarından,

Hayattı saylap salgan...

 

Arttan qayta körgenimiz,   

Hayatlı, yanlı alemdi,  

Ösimlik, ayvan, insandı,   

Bîr tögerek kepte yaratıp

İnsandı markez noqtaga,   

Ortalarına salgan...

 

Sankim är yan tasıgan     

Barı maqluqtıñ gayası, 

Nav insanda yıyılgan...

 

YaratuvşıHak Rahman,  

Barı yanlı mahluqtı, 

İnsan tögeregine yıynap,

Soga qızmatşi qılıp,        

Atta emrine bergen...

 

Nav insandı sosınlarga 

Hakim em örpli qılgan...

 

Demek Halık-ı Zülcelal,  

Yanlı maqluq işinde,  

İnsandı saylap algan...

 

Nav alemde maqsatı,     

Yaratqanı insan bolgan...

 

Qalgan basqa manelerdi,

Em yogardakı manelerdiñ

Şükürminen bavını,

Keliyek yuma nasip bolsa

Aytaberiyek inşallah...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär