Törkiyä millionnarça süriyälene saqlaw astına aluğa ireşte

Kön tärtibe 39

Törkiyä millionnarça süriyälene saqlaw astına aluğa ireşte

Kön tärtibe 39

Törkiyä ilbaşı Räcäp Tayyip Ärdoğan belän Rusiya Federaśiyäse däwlät başlığı Vladimir Putin Soçida küreşep söyläşkännän soñ urtaq matbuğat oçraşuı ütkärde. Alar İdlibtä qorallardan arındırılğan töbäk mäs‘älśäsendä kileşü täêmin itülärenä basım yasadı. Älege oçraşudan soñ Rusiya Federaśiyäse saqlanu ministrlığı „İdlibtä operaśiya başqarılmayaçaq“ dip belderü yasadı.

 

      Säyӓsӓt, iq’tisad hӓm ictimaği tikşerenülӓr waqıfı SETA tikşerenüçese, yazuçı Can Acunnıň  “Törkiyä millionnarça süriyälene saqlaw astına aluğa ireşte” isemle añlatmasın täq’dim itäbez.

 

Älege kileşü belän Törkiyä bik möhim adım yasadı. İlbaşı Räcäp Tayyip Ärdoğannıñ qatğy totışı,soñğı däwerdä İdlib mäs‘äläsenä zur ähämiyät birüe, Tährandağı sammitta utnı tuqtatu mäs‘äläsendä üzeneken itüeneñ näticäläre kürende. Soñğı könnärdä Törek Qorallı Köçläre İdlibtä bik möhim nığıtılular başqardı. Törkiyäneñ İdlibtäge 12 küzätü punktına küp sanda köbäle texnika, tank häm xärbi berleklär cibärelde. Törkiyä Rusiya, İran, Äsäd rejimına häm şiği suğışçılarğa   qatğıy buluın bik açıq kürsätte.

 Ber yaqtan diplomatik söyläşülär alıp baru , ikençe yaqtan xärbi adımnar yasawnıñ näticäse kürende. Rusiya Soçida citdi mäğ’nädä kiregä adım yasadı. Rusiya, İran häm Äsäd rejimı İdlibtä  kiñ qırlı xärbi xäräkät başqarırğa teli die. Monıñ belän bäyle köçle basımnar yasaldı. Ayıruça Cisr Sugur häm Tön’yaq Xama töbägen bombağa totu häm rejim köçläre belän İran yaqlaw kürsätkän suğışçılarnıñ front liniyälärenä zur külämdä xärbi köç küçerüe basımnı arttırdı.

                Mondıy xärbi xäräkätne buldırmıy qalu Törkiyäneñ milli iminlege häm Süriyäneñ kiläçäge öçen zur ähämiyätkä iyä. İñ möhime isä – Törkiyäneñ tırışlıqları näticäsndä 3 millionnnan kübräk tınıç xalıqnıñ tormışın saqlap qalu häm zur külämle qaçaq ağımın totqarlaw ide. İdlib mäs‘äläsendäge uñışları uñayınnan  ilbaşı Räcäp Tayyip Ärdoğan, Törek Qorallı Köçläre häm milli küzläw oyışması maqtawğa layıq. Dönya bik borçılıp küzätkän töbäktä humanitar krizis totqarlandı.

 

Soçida Rusiya belän täêmin itelgän kileşü bäyläneşendä barlıqqa kitereläçäk qoralsızlandırılğan töbäktän radikal törkemnär häm awır qorallarnıñ ike yaqlı bularaq çigenüe zarur. Bu qısada Törkiyägä dä, Rusiyägä dä zur cawaplılıq töşä. Rusiyäneñ şiği suğışçılarnı künderüe kiräk, Törkiyä Heyet Tahrir uş Şam kebek oyışmalar belän bäyle çişeleş tabarğa tiyeş.

                 Törkiyä häm Rusiya 15-20 çaqrım kiñlegendä qoralsızlandırılğan töbäk buldırunıñ garantı bulğanda koordinaśiyäle bäysez patrul‘ êşçänlekläre dä başqaraçaq. Törkiyä häm Rusiya Astana barışı qısasında tözelgän küzätü punktların xärbi yaqtan nığıtaçaq häm qoralsızlandırılğan töbäk ike ilneñ keşesez hawa apparatları belän küzätü astında totılaçaq. Qoralsızlandırılğan töbäklärdäge Süriyä oppoziśiyäseneñ häm rejim köçläreneñ kontrol‘ mäydannarı saqlanaçaq ,ike yaqlı bularaq awır qorallar front liniyäsennän çigenäçäk.

                  Kileşü nigezendä strategik ähämiyätkä iyä bulğan M4 häm M5 avtoyullarında iminlek täêmin itelep alar qabat säwdä öçen açılaçaq. Bu yullar Süriyä iq’tisadı öçen bik möhim.

Törkiyä belän Rusiya arasındağı kileşü Törkiyäneñ terrorğa qarşı köräşenä dä uñay yoğıntı yasayaçaq. Çönki “PKK/YPG“ terrorçıları İdlib operaśiyäsennän faydalanıp Afrinğa basım yasarğa teli ide. Kileşü belän bu yanaw da totqarlandı. İdlib operaśiyäseneñ totqarlanuı belän berrättän Törkiyäneñ “PKK/YPG“ tudırğan yanaw-qurqınıçqa qarata da adım yasawı  mömkin.

 

 



Bäyläneşle xäbärlär