Nogayşa 179: Quyuga tüsken adem hiqayası (6)

Bu yuma “QUYUGA TÜSKEN ADEM HİQAYASI”nıñ soñını aytamız!

Nogayşa 179: Quyuga tüsken adem hiqayası (6)

Nogayşa 179: Quyuga tüsken adem hiqayası (6)

►Nogayşa 179: Quyuga tüsken adem hiqayası (6)

 

Buruñı yumalardan 

Aytaberip kelgenimiz,

Üyken bîr alimdiñ

Söylegen sözleriniñ 

Soñ kesegi nav bolgan:

 

 “...Em sosı terektiñ    

Bîrligimen barabar,

Türlü türlü, şeşit şeşit

Meyvalardı bergeni:

Samed bolgan Allah’tıñ

Yani ‘är zat oga muqtaj,

Özi bîrevge muqtaj bolmas     

Rahmandıñ qudretine,

Azamatlı mühür bolgan... 

 

Tagı em Quday’dıñ  

Rablıgına, patşalıgına,

Bîrer hatem, bîrer turra,      

Em mühür, imza bolgan...

 

Nege dese ‘bîr zattan,   

Barı zattı yaratuv’;  

Misal bolsa topıraqtan,

Barı ösimlik meyvalardı,

Tagı em bîr suvdan,

Barı yanvardı yaratqanı;

 

Em bîr tek türlü astan,

Barı yanlı mahluqtıñ

Şeşit şeşit müşesini,

Tagı agza, alatını,       

Yoqtan yaratıp tizgeni;

 

Em sosınlardıñ qasında,

‘Her zattı bîr zat etüv’,

Barı yanlı maqluqtıñ    

Yegeni neşe astan,   

So yanvarga uyarıman     

Etlerini yaratqanı;

 

Tagı är ademge ayrı,  

Bütünley, bîr kesek,     

Bîr tek teri yaratqanı;

 

Ene sosı saniyatlar,  

Bîr em Samed bolgan,    

Azel, Abed Sultanı,

Quday’ımız Allah’tıñ       

Mühür, turrası bolgan...

 

Äş oqşarı bolmas, 

Yalgız soga belgili,  

Bek aşıq, delil bolgan...

 

Demek ‘bîr zattı er zat etüv,    

Em är zattı bîr zat etüv’,

Är zattıñ yaratuvşısı, 

Är zatqa küşi yetken 

Bîr Allah’qa sansız belgi,

Ayet em delil bolgan...    

 

Tagı hiqayada ötken  

Tılsımdıñ aqıyqatı: 

‘İyman sırrıman aşılgan

Barı yaratılgandıñ hikmet sırrı’;

 

Em aşgıştıñ manesi:

‘Ya Allah, la ilahe illallah

Allahü la ilahe illa

Hüvel hayyül qayyum...    

Yani Tiri, Qayyum bolgan,

Är zattı ayaqta tutqan,    

Özi zatı tısında,   

Basqa Quday bolmagan;

Är zattıñ yaratuvşısı,      

Bîr basına Allah bolgan’  

Manesindeki sözler,        

Mine sosı aşgış bolgan...

 

Em ‘ejderha avzınıñ   

Baqşa esigine avısqanı’,  

Nav manelerge işaret bolgan:    

 

Qabir, yoldan sapqanlarga, 

Em isyan etkenlerge, 

Yapyalgız qalıyagı  

Bîr zındanga atılganday, 

Em so yerde mıtılganday,    

Soñsız muñgın bîr almen,

Aynı yılan qursagınday,    

Tap tar sıqı bîr orında,

Sıqışıp turuyagı,      

Bîr azap esigi bolgan...

 

Ehl-i Qur’an em imanga,      

Nav düniya zındanından,

Dayim qalınıyaq bostanga;

 

Em imtihan meydanından,

Yannet’tiñ baqşalarına;

 

Em yaşav qıyınlıgından,

Allah’tıñ rahmet qaznasına,      

 

Aşılgan bîr esik bolgan...

 

Em sosı vahşi aslandıñ

İnsanga bek yuvıq,

Emrinde beklep turgan

At bolgandıñ manesi,

Tömendeki haqıyqatlarga,

Bîrer işaret bolgan:

 

Ölüm: yoldan şıqqanlarga , 

Barı süygenlerinden,    

Yüreklerdi yaguvşı,      

Abedi ayrılıq bolgan!   

 

Em ötürük, aldatuvşı, 

Düniya Yannet’inden       

Şıgarılıp, quvılıp,     

Yapyalgız qalıyagı 

Mezardıñ zındanında,

Bîr hapis, tutqaq bolgan;

 

Hidayetti tapqanlarga, 

Qur’an’ga uyganlarga,

Anavı alemge ketken

Eski dos ahbablarga,

Qavuspaga bîr sebep; 

 

Aqıyqı vatanlarına, 

Em abedi tatimliktiñ

Yahşı biyik maqamına

Yetpege vesayit bolgan...

 

Em düniya zındanından

Yannet’tiñ baqşalarına, 

Bîr şaqıruv bolgan...

 

Em Rahman-ı Rahim’diñ 

Yalgız özi keramından,

Qızmatına qarşılıq,

Ücret almaga kezek bolgan...

 

Em hayatvazipesiniñ

Qıyınlıgından terhis bolgan...

 

Em qullıq imtihanından,    

Talim em talimattan,

Paydos bolup, selbeslikke      

Qavıspaga bîr sebep; 

Erkin, rahat, al bolgan...

 

Sözdiñ özi: Är kim bolsa,      

Fani hayattı maqsat qılsa,

Tıstan Yannet işinde,

Bolganday tursa da,   

Aslında Yahannem’de bolgan.

 

Är kim baqıy yaşavga,       

Üşün bet bergen bolsa,

Eki düniyada tatimlikke       

Qavısaberip bargan...

 

Dünyası neşe yaman, 

Em muñın bolsa tagı,  

Dünyasını Yannet’tiñ

Bîr beklev salonı,   

Ökminde körgen üşün,    

Razılıqpan qarşılap

Sabır etip şükür qılgan...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär