Nogayşa 184: Quday’ga aşılgan terezeler (4)

Bu yuma “QUDAY’GA AŞILGAN TEREZELER”den bazısı baresinde söz bardıramız...

Nogayşa 184: Quday’ga aşılgan terezeler (4)

Nogayşa 184: Quday’ga aşılgan terezeler (4)

►Nogayşa 184: Quday’ga aşılgan terezeler (4)

 

Käinattıñ en yogar,   

Ya de tömenindeki 

Tabaqalarında bolgan

Alemlerlerdiñ baresi, 

Ayrı ayrı tillerimen

Barı bîr tek haqıyqattı,

Yani özi bîr bolgan 

Hikmetli bîr Yaratuvşı’dıñ 

Rablıgını bizlerge,

Yani soñsız islerdi, 

Baresini äş qalmay 

Özi küşi quvvatıman

r basına yaratqanın; 

Tagı bîr taqıyqa toqtamay

Sosı soñsız islerdi,

Barı dayim etkenini, 

Esli bolgan insanga,  

Aşıqşa körsetipyatır...

 

Qaytip boladı desek? 

Avvel kökke qarasaq

Qozmograpya ilminiñ  

Bergen maglumatıman

Üyrenilgen haqıyqatlar: 

“Neşe üyken maqsatlarman      

İntizamlı hareketler”,

Jalaliyyesi bîr Rab’tıñ  

Barlıgını em küşini, 

Tagı em bîrligini,

Em Rablıgınıñ kemalını,  

Baremizge körsetken...

 

Em düniyaga qarasaq,

Aynı köklerge usap 

Yer yüzinde tagı,

Atta jeograpya ilminiñ 

Şayitligi, aytqanıman 

Gayet üyken paydalar,

Maslagatlar bolsun dep

Qıs, bahar, yaz, küzde, 

Baremizdiñ körgeni,

Bîr neşe muntazam  

Türlengen barı aller”, 

Bîr Qadir, Jalaliyyesi,

Allah’tıñ barlıgınıñ 

Mejburlugını eske, 

Tagı so Haq Quday’dıñ

Birligimen Rablıgınıñ  

Soñsız kepte kemalını, 

Yani neşe oñgınşa

Barı isti qılganını,

Baremizge körsetken...

 

Qaydey bolsa tagı em,     

“Qara yerde, deñizlerde,

Neşe soñsız rahmetpen 

Rızıqları berilgen; 

Tagı em soñ darece

Tap bîr hikmetpen; 

Em türlü keplerimen,   

Quday’dıñRablıgınıñ

Soñsız darece kemalıman,

Türlü türlü duygularman

Jeyizlengen yanvarlar”, 

Bîrer bîrer, ayrı ayrı, 

Qayta sosı bîr Qadir,

Jalal iyyesi Rab’tıñ     

Barlıgına şayitlik,   

Em birligine işaret;

Etkeniniñ qasında,  

“Barabarşa tagı em 

Gayet keñ bîr ölşemde

Qudaylıqtıñ azamatın,  

Tagı em Rablıqtıñ   

Kemalını” körsetken...

 

Tagı “barı bavlardaqı   

Muntazam ösimlikler,

So ösimliktiñ körsetkeni  

Süslü, türlü şeşekeyler, 

Em şeşekeylerdiñ körsetkeni,  

Barı ölşemli meyvalar,    

Em meyvalardıñ körsetkeni 

Sav bezengen naqışlar”

Bîrer bîrer, qayta qayta 

Är zattı hikmetpen  

YaratuvşıQadir’diñ  

Barlıgına şehadet, 

Em bîrligine işaret    

Etkeniniñ qasında; 

Barı tögerekte körilgen 

Köpligimen tagı em,

Gayet körsetişli bîr kepte, 

Rahmetiniñ gözelligin,

Rablıgınıñ kemalını,

Baremizge körsetken...

 

Em qaydey “aspandaqı    

Bulutlardan, neşe müyim

Hikmetler em gayalar, 

Em kerekli paydalar, 

Tagı meyvalar üşün,

Vazipeler berilip  

Yiberilgen yamgırdıñ    

Tamşıqları” barabar,

So tamşıqlar sanınca,    

Gene HakimYaratuvşı’dıñ

Vacip bolgan barlıgını, 

Tagı em bîrligini, 

Em Rablıgının kemalını,

Qayta qayta körsetken... 

 

Em “yerdeki tavlardıñ,   

So tavlardaqı madenlerdiñ,

Ayrı ayrı qasiyetimen,   

Ayrı ayrı payda üşün  

Bîr ambarday azirlenip

So tavlarga salınganı”,  

Aynı tavday berkigen  

Bîr quvvatpan qayta qayta,  

Sosı hikmetliSani’diñ   

Barlıgınıñ vacipligin,     

Tagı em bîrligini,  

Rablıgınıñ oñgınlıgın

Alemlerge körsetken...

 

Qalgan basqa manelerdi,   

Keliyek yuma inşallah

Ayttırsın dep Allah’qa        

Yalbaramız qayta qayta!

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär