Kapadokiya

Törkiyädä turizm 2

Kapadokiya

Kapadokiya-Törkiyäneñ tanılğan turistik töbäklärennän berse.  

Urta Anadoludağı Göreme, Ürgüp, Uçhisar, Avanos, Derinkuyu, Kaymaklı, Ihlara häm anıñ tirä - yağı  - Kapadokya töbägeneñ tiñsez turistik urınnarı.

Kapadokiyağa meñnärçä yıl êlek Urta Anadoludağı tawlar aktiv vulkan bulğanda alar atıp çığarğan lavalar belän nigez salınğan. Bu lavalar töbäktä törle qatılıqta tuf qatlamı barlıqqa kitergän.Älege qatlamnıñ  meñnärçä yıl qar-yañğır häm cil belän aşaluı näticäsendä Päri morcaları  (Peribacaları) isemle iskitärlek tabiğat’ küreneşläre, moğcizalar barlıqqa kilgän.

Kapadokiya cirlärendä  tarix däwamında assiriyalılar,xettlar, farsılar yäşägän. Qayçandır Rim imperatorlığı xakimiyätendä bulğan. Töbäktä böten bu śivilizaśiälärneñ êzlären,ayıruça Sälcuklı häm Ğosmanlı imperatorlıqları äsärlären dä kürergä mömkin.

YUNESKOnıñ häm mädäni, häm tabiği miras isemlegendä urın alğan Görämä milli parkında iskitkeç päri morcaları belän bergä töbäkkä kilep sıyınğan xristiannarnıñ toraq urınnarın, çirkäwlären dä kürergä mömkin.

Kapadokiyada tiñsez maturlıqtağı üzänleklär, ğacäyep cir astı şähärläre ,qal’ğälär,çirkäwlär ,mäçetlär , sawıt-saba yasalğan ostaxanälärne qararğa bula.

Päri morcaları arasınnan üzänleklärdä yörü,ütkännärneñ êzlären kürü ,mondağı tabiği moğcizalarnı kürep soqlanu öçen sezne biregä kötep qalabız.

Töbäkne hawadan kürü mönkinlege birgän hawa şarlarında  onıtılmaslıq mizgellär kiçerä alasız.

Kapadokiyanıñ mäşhür rizıqlarınnan testi kebabı, çömlek kebabı, gül böreği, tuy şulpası (düğün çorbası) häm aside tatlı rizığın da tatıp qararğa onıtmağız.



Bäyläneşle xäbärlär