Bulgur pılawı

Törkiyädä anı yış peşerälär

Bulgur pılawı

Törek aş-suların bulgurnı yış kürep bula. Döğe kebek ük pılaw, salat, aş, yӓşelçӓ rizıqları, xӓtta kotletlarda qullanalar anı. Bulgur çınında bodaynıň yarılğan rӓweşeder. Boday başta qaynatıla, annarı kipterelep, qabığınnan çistartıla. Soňınnan tegermӓnnӓn uzdırıla. Êrelӓrennӓn pılaw yasıylar, keçkenӓlӓren kotlet, dolma hӓm salatlarda qullanalar.

Anadolu cirlӓreneň hӓm geografik şartlarnıň boday çӓçügӓ uňdırışlı bulğanı öçen bulgur belӓn ber rӓttӓn bodaydan yasalğan êşlӓnmӓlӓr törek aş-sularınıň nigezen tӓşqil’ itӓ disӓk yalğış bulmaz. Ayıruça bulgurdan yasalğan pılawnıň törek mӓdӓniyӓtendӓ maxsus urını bar. Bügenge tapşıruıbızda da sezgӓ Bulgur pılawın peşerergӓ öyrӓterbez.

Pılaw öçen tübӓndӓge rizıqlar kirӓk:

  • 1 stakan êre bulgur
  • 1/4 stakan sıyıq may
  • 1 baş suğan
  • 2-3 yӓşel borıç
  • 1/2 aş qaşığı borıç pastası
  • 2 pomidor
  • 2 stakan qaynar su
  • Toz, qara borıç, bötnek
  • 2 aş qaşığı sarı may

İň êlek qızğan sıyıq mayda suğan hӓm borıçlarnı qızdırabız. Borıç pastasın salıp, tağın berniçӓ minut totabız.

Qabığı çistartılğan hӓm waq itep turalğan pomidorlarnı quşıp, yomşarğançı peşerӓbez.

Şul arada bulgurnı ike tapqır yuıp, suın sözӓbez hӓm pomidorlarğa quşabız. Qaynar su salıp, utnı ӓkrenӓytӓbez. Toz, borıç salabız. Pılawnı suı betkӓnçe peşerӓbez.

Uttan alğannan soň ayırım tabada sarı maynı êretep, bulgur östenӓ quşabız. 10 minuttan soň bülep birergӓ bula.

Aşlarığız tӓmle bulsın!



Bäyläneşle xäbärlär