"Soğud dinastiyäseneñ çın yöze kürende"

İran parlamentı wäkile Soğud Ğaräbstanın cawapqa tartırğa çaqıra

"Soğud dinastiyäseneñ çın yöze kürende"

İran parlamentınıñ milli iminlek häm tışqı säyäsät komissiyäse äğ’zası Alaaddin Burucärdi soğudlı jurnalist Cämal Qaşıqçınıñ wäxşilärçä üterelüen häm Soğud Ğaräbstanın xalıqara mäxkämädä cawapqa tartu kiräklegen äytte. Bu xaqta xalıq ışanıçlısı İrannıñ xäbär agentlığı İSNAğa söyläde. Ul älege cinayät’neñ Soğud dinastiyäseneñ çın yözen kürsätüen assızıqladı. Burucärdi jurnalistnı üterü waqıyğasın “böyek tarixi skandal” bularaq bäyäläde. Anıñ fikerençä, Soğud Ğaräbstanı däwlät terrorçılığın ğamälgä aşıra.

Vaşington Post gazetına mäqalälär yazuçı jurnalist Cämal Qaşıqçı bıyılnıñ 2nçe oktyabrendä räsmi êşlär öçen Soğud Ğaräbstanınıñ İstanbuldağı konsullığına kitte häm yuqqa çıqtı. Soğud Ğaräbstanı anıñ konsullıq binasında bulğan tawış-ğawğa waqıtında üterelüen belderde. Ämma gäwdäse älegä tabılmadı. Qaşıqçı cinayäte belän bäyle tikşerüne alıp baruçı törek belgeçläre üterüneñ aldan planlaştırğan buluın assızıqlıy.



Bäyläneşle xäbärlär