"Dalyan" kätlite

“Dalyan” dip ataluçı kätlitne yasaw ısulın täqdim itäbez

"Dalyan" kätlite

İğtibarığızğa “Dalyan” dip ataluçı kätlitne yasaw ısulın täqdim itäbez. Monıñ öçen bezgä tübändäge rizıqlar kiräk bulaçaq:

1 kg tarttırılğan it (farş)

2 suğan

6-7 qara ikmäk teleme

Tmin

Toz, borıç

4 yomırqa

5-6 aş qaşığı konservılanğan yäşel borçaq

2-3 kişer

Sıyıq may

Tarttırılğan it maylı bulmasqa tiyeş. Anı uılğan ikmäk, tyerkadan ütkärelgän suğan, 1 yomırqa häm 1 yomırqa sarısı belän bolğatabız. Toz, borıç, tmin salabız. Yaxşılap bolğatabız. Annarı anı maylanğan tabağa salıp, cäyäbez. Urtasına peşkän yomırqa, peşkän kişer häm borçaq salabız. Annarı rulet räweşenä kertäbez. Suıtqıçqa 1 säğatkä quyabız. Miçtä 1 säğattä 200 däräcädä peşeräbez.

Tabınğa 1,5-2 cm qalınlıqta turap, täqdim itäbez.

Kätlit yanına töyelgän bäräñge bara. Aşığız tämle bulsın!



Bäyläneşle xäbärlär