Törek matbuğatına küzӓtü 12.10.2017

12nçe üktäbr' könne basılıp çıqqan qayber törek gazetlarına küzätü

Törek matbuğatına küzӓtü 12.10.2017

“Yӓni Şafak” gazetı “AQŞ viza krizisın çişӓr öçen êşkӓ kereşte, wӓkillek cibӓrӓ” isemle xӓbӓrendӓ AQŞ Dӓwlӓt departamentınnan ber wӓkillekneň viza krizisı belӓn bӓyle ber wӓkillekneň söylӓşülӓr öçen kilӓse atnada Törkiyӓgӓ kilӓçӓgeneň dӓğwa itelüen yaza.

Xӓbӓrgӓ kürӓ AQŞ Dӓwlӓt departamentı rӓsmi zatları wӓkillek belӓn Dӓwlӓt departamentınıň kiňӓşçe urınbasarı Djonatan Cohennıň citӓklӓyӓçӓgen beldergӓn.

Gazet yazuınça AQŞ ilçelege yӓkşӓmbe tönlӓ Twitterda Törkiyӓgӓ vizalarnıň tuňdırıluın citkergӓn, AQŞtağı Törkiyӓ ilçelege dӓ şul uq tekst belӓn AQŞqa viza birü êşlӓreneň tuňdırıluın yӓnӓ Twitterda açıqlağan ide. Törkiyӓ ilbaşı Ӓrdoğan bu cawapnıň birelüe belӓn bӓyle bularaq boyırıqnı üzeneň birüen ӓytkӓn ide.

“Star” gazetı “Törkiyӓ Urta diňgezdӓn ömetle, berençe tirӓn zondaj 2018dӓ” isemle yazmasında Antaliyadağı Ênergetika oçraşuında sorawlarğa cawap birgӓn Törkiyӓneň ênergetika hӓm tabiği çığanaqlar ministrı Bӓrat Albayraqnıň neft’ hӓm tabiği gazda berençe tirӓn zondajnıň 2018nçe yıl başında Urta diňgezdӓ yasalaçağın ӓytüen citkerӓ.

Xӓbӓrdan kürengӓnçӓ Albayraq: “Urta diňgezdӓn bik ömetle bez,” – dide.

“Sabah” gazetı “Terror koridorına 4 operaŝiya” isemle xӓbӓrendӓ Törkiyӓ Ğiraq hӓm Süriyӓneň tönyağında terror koridorı uyınına qarşı çınğa aşıraçaq ozın radiuslı xӓrbi plannıň neçkӓleklӓren uquçıları belӓn urtaqlaşa.

Gazet yazuınça planda berençe maqsat bulğan İdlibtӓn terrorçılarnıň çistartıluı öçen arındıru operaŝiyase belӓn monda citӓklӓyӓçӓklӓr. İdlibneň çistartıluı belӓn İdlib-Dar ta İzzah liniyase planlanuçı kiçü koridorınıň berençe êtabı bulaçaq.

“Watan” gazetı “Törkiyӓ-İran arasında küzlӓw xezmӓttӓşlege” isemle xӓbӓrendӓ soňğı waqıtta diplomatiya xӓrӓkӓten arttırğan Törkiyӓ hӓm İrannıň separatist PKK terror oyışmasına qarşı urtaq körӓş alıp baraçağın yaza.

Xӓbӓrgӓ kürӓ terrorçılıqqa qarşı çik buyı iminlege, küzlӓw belӓn urtaqlaşu hӓm koordnaŝiya mӓs’ӓlӓlӓrendӓ xezmӓttӓşlek başqarılaçaq. Gazet yazuınça berençe êtapta ike il arasında PKKnıň fiziki bӓylӓneşeneň özelüe maqsat itelӓ.



Bäyläneşle xäbärlär