Törek matbuğatına küzätü 7.12.2017

7 nçe dekabr' könne basılıp çıqqan qayber törek gazetlarına küzätü

Törek matbuğatına küzätü 7.12.2017

 “Sabah” gazetı “Ärdoğan Yerusalim öçen êşkä kereşte” isemle yazmasında Törkiya ilbaşı Räcäp Tayyip Ärdoğannıñ AQŞnıñ Yerusalimnı İzrail’neñ başqalası itep tanu adımına qarşı telefon diplomatiyäse alıp baruı häm 13 nçe dekabr’dä İslam xezmättäşlek oyışmasın İstanbulda çirattan tış cıyılışqa çaqıruın citkerä.

 

”Vatan” gazetı “Törkiyä Böyek Millät Mäclesennän Yerusalim öçen urtaq belderge” isemle xäbärendä Törkiyä Böyek Millät Mäclesendäge 4 säyäsi partiyäneñ Amerika Quşma Ştatları ilbaşı Donal’d Trampnıñ Yerusalim qararına qarşı urtaq deklaraśiya äzerläwen xäbär itä.

Xäbärdän kürengänçä, Törkiyä parlamentı ğomum şurasında urtaq belderge uqıldı häm Törkiyä Böyek Millät Mäcleseneñ bu kereşüne bäxäsez häm qatği räweştä kire qağu iradäse dönya cämäğät’çelegenä iğ’lan itelde.

 

”Yäni Şafak” gazetı ”Törkiyä Yerusalim qararına qarşı reakśiya belderä” isemle xäbärendä Törkiyäneñ Amerika Quşma Ştatlarınıñ Yerusalimnı İzrail’neñ başqalası itep tanuına reakśiya belderüe turında yaza.

Törkiyädäge küp kenä şähärdä xalıq bu qararğa rizasızlıq belderep uramnarğa çıqtı.

 

”Xörriyät” gazetı “Törkiyä häm Rusiya öçençe hawa yulı şirkäte öçen kileşte” isemle xäbärendä Rusiya häm Törkiyä aviaśiya tarmağı räsmi zatlarınıñ Mäskäw belän Antaliya arasında atnada 7 reys yasayaçaq öçençe hawa  yulı şirkäte mäs’äläsendä kileşülären citkerä.

Xäzerge waqıtta Mäskäw – Antaliya reysların “Aêroflot” häm “Törek hawa yulları” şirkätläre başqara.

”Xabär Törek” gazetı “Faydalı makaron Yaponiyağa cibärelä” isemle xäbärendä Törkiyäneñ Konya şähärendä êşläp çığarılğan häm vitaminnar belan bayıtılğan makaronnıñ Yaponiya häm tağın 10 ilgä êksportlana başlawın uquçıları belän urtaqlaşa.

 



Bäyläneşle xäbärlär